Црква „Св. Троица“ - Трсино

Од Википедија — слободната енциклопедија
Прејди на прегледникот Прејди на пребарувањето
Coat of arms of the Macedonian Orthodox Church.png
Macedonian cross.svg
Света Троица
Црква „Св. Троица“ во село Трсино (1).jpg

Поглед кон црквата

Македонска православна црква
Епархија Брегалничка
Архијерејско намесништво Штипско
Парохија Јакимовска
Местоположба
Координати 41°54′47.1″N 22°38′59.2″E / 41.913083° СГШ; 22.649778° ИГД / 41.913083; 22.649778Координати: 41°54′47.1″N 22°38′59.2″E / 41.913083° СГШ; 22.649778° ИГД / 41.913083; 22.649778
Населено место Трсино
Општина Виница
Држава Македонија
Општи податоци
Покровител Свето Тројство
Изградба 30 мај 2004
Архитектонски опис
Портал „МПЦ“

Света Троица — главна селска црква во селото Трсино.[1] Црквата е сместена во северниот дел од селото, на десната страна од патот кој води од соседното село Трстија.

Историја[уреди | уреди извор]

Камен-темелник за изградба на црквата бил поставен на 30 мај 2004 година од страна на тоашниот митрополит на Брегалничката епархија г. Агатангел.

Архитектура[уреди | уреди извор]

Црквата претставува крстокуполен храм, при што куполата е со осумаголна основа и на секоја од осумте страни има по една монофора. Во продолжение на бочните ѕидови се доградени припрати, додека во задниот дел од црквата има три многуаголни апсиди, од кои средишната е поголема во споредба со страничните кои се со еднаква големина. Градбата во целост е варосана во бела боја и истата е покриена со ќерамиди. Со ќерамиди исто така се покриени припратите и апсидите, додека куполата има метален кров над кој е истакнат крст.

Камбанаријата е прилепена до градбата на црквата и е сместена во левиот агол од предната страна. Таа има четириаголна основа и е ѕидана од тули. Предната и бочните страни се поделени во четири дела, од кои првите три содржат по една монофора, додека последниот е лачно отворен. На задната страна отсуствува најнискиот дел поради тоа што во таа висина е прилепена со градбата на црквата. Камбанаријата е покриена со метален кров над кој има крст.

Поврзано[уреди | уреди извор]

Наводи[уреди | уреди извор]

  1. Јелена Павловска, Наташа Ниќифоровиќ и Огнен Коцевски (2011). Валентина Божиновска. уред (на македонски). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 31. 

Надворешни врски[уреди | уреди извор]