Тасос

Тасос Περιφερειακή ενότητα / Δήμος Θάσου
Периферна единица
Боровец (Тасос)
Тасос во рамките на Источна Македонија и Тракија
Координати: 40°41′N 24°39′E
Земја	Грција
Периферија	Источна Македонија и Тракија
Админ. центар	Боровец (Тасос)
Површина
• Вкупна	379 км2 (146 ми2)
Население (2011)
• Вкупно	13.770
• Густина	36/км2 (94/ми2)
Пошт. бр.	640 04
Повик. бр.	25930
Рег. таб.	ΚΒ
Мреж. место	thassos.gr

Тасос или Тасо (грчки: Θάσος), со изворно македонско име Боровец е остров во Егејска Македонија, близу до брегот на Тракија и низината на реката Места. Најголемо населено место е Боровец (грч. (Λιμένας) Θάσου), по кое е наречен и островот. Денес е населен со грчко население, за разлика од претходниот мешан етнички состав. Сето македонско население почнало да се чисти уште од андартите, а прогонувањето завршило во 1940-тите години.

Информации

Стелитска снимка на Тасос од април 1993 г.

Највисоката точка на Тасос е Ипсарио, со 1.204 м. Главните земјоделски производи на островот се мед и маслиново масло, како и вино, а застапени се и одгледувањето на овци и кози, како и рибарството. Во другите гранки спаѓаат дрвосечачката индустрија и туризмот. Рударската индустрија вклучува олово, цинк и мермер, особено во областа Панагија каде што една од планините близу Тракиското Море има голем каменолом. На југот на островот пак, постоел каменолом во античките времиња. Најважната гранка од сите, сепак, е туризмот. Тасос има неколку училишта, лицеј, гиманизија, црква и плоштад.