Риби (кована пара од 2018 година)

Риби
Лице
Опачина
Поединости
Серија	Хороскопски знаци
Номин. вредност	100 денари
Метал	сребро 925
Тежина	23,30 г
Димензии	37 x 37 мм
Облик	квадратен
Издадена	2018
Цена	2.800 ден.

Риби — кована пара за колекционерски цели издадена од страна на Народната банка на Република Македонија во 2018 година.

Опис

Лице

На лицето, во средишниот дел на монетата се прикажани четири атласа кои го држат небото и круг со симболите на сите хороскопски знаци. На вметнато кобалтно стакленце е претставена слика на северното небо со ѕвездата Северница во средината, опкружена со соѕвездието Риби. Во долниот дел е претставен цртеж на Сончевиот Систем. Во позадината е прикажан дел од картата на небото. Во долниот дел од лицето на парата е прикажан Грбот на Република Македонија и годината на издавање на монетата - „2018“. Исто така, прикажани се и натписите на македонски јазик: „Република Македонија“ и „100 денари“.

Опачина

Во горниот дел од опачината е претставена слика на риби од ѕвездениот атлас „Firmamentum Sobiescianum“, создаден од страна на Јоханес Хевелиј на крајот од 17 век. Сликата на рибите и нивното соѕвездие се претставени и на вметнато кобалтно стакленце. Во горниот дел исто така е претставен симболот на хороскопскиот знак Риби. Во долниот дел се претставени две златни рипки на позадина од цртеж на кој е претставен Сончевиот Систем. На левата страна се прикажани латинското име на хороскопскиот знак – „PISCES“ и ознаката „Ag925“.

Поврзано

• Риби (соѕвездие)
• Риби (хороскопски знак)

Надворешни врски

• Кована пара за колекционерски цели: „Риби“ — НБРМ