Кирил и Методиј - 100 денари (кована пара)

Од Википедија — слободната енциклопедија
Прејди на прегледникот Прејди на пребарувањето
Кирил и Методиј
MK NBRM.png
Лице
Опачина
Поединости
Серија Икони на светци
Номин. вредност 100 денари
Метал сребро (Ag) 925
Тежина 31,1 гр
Димензии 30 x 45 мм
Облик правоаголен
Раб мазен
Издадена 2014
Цена 3.800 денари
(со кутија)
3.450 денари
(без кутија)


Кирил и Методијкована пара за колекционерски цели на Народната банка на Република Македонија чија номинална вредност е 100 денари. Одлуката за издавање на парата била донесена на третата седница на Советот на Народната банка на Република Македонија одржана на 27 март 2014 година, а истата била промовирана на 1 август истата година. Цената на апоенот во стандардно пакување изнесува 3,450 денари додека во репрезентативно пакување цената е 3,800 денари. Оваа кована пара е дел од серијата на ковани пари „Икони на светци“.[1][2]

Опис[уреди | уреди извор]

Лице[уреди | уреди извор]

Во средината на лицето од парата е претставен манастирот „Свети Наум“ во Охрид, а над него седум светци, и тоа светите Кирил и Методиј заедно со нивните пет ученици, а исто така помеѓу нив се ставени натписи „Ag 925“ претставувајќи го видот на металот со кој е изработена парата и „31.1 g“, тежината на парата. Во горниот дел од левата страна е прикажан апоенот кој е во износ од 100 денари и е претставена годината на издавање, 2014, додека на десната страна стои Грбот на Република Македонија. Во долниот дел со кирилично писмо на македонски јазик е испишан натпис „Република Македонија“.

Опачина[уреди | уреди извор]

Главната содржина на опачината е портрет од Свети Кирил и Свети Методиј, а над нив се претставени нивните имиња во сребрен натпис „Св. Методиј“ на левата страна и „Св. Кирил“ на десната страна со кирилско писмо на македонски јазик. Периметарот на опачината е затворен со украсни црти во златна боја.

Поврзано[уреди | уреди извор]

Наводи[уреди | уреди извор]

  1. „Соопштение на НБРМ“ (македонски). 27 март 2014. конс. 8 јануари 2018. 
  2. „НБРМ ги промовираше кованите пари за колекционерски цели“ (македонски). 1 август 2014. конс. 8 јануари 2018. 

Надворешни врски[уреди | уреди извор]