Петре Прличко

Петре Прличко
Роден	13 март 1907 Велес
Починал	16 ноември 1995 Скопје
Националност	Македонец
Познат	по улогата во: Фросина Волчја ноќ Денови на искушение Републиката во пламен
Занимање	глумец
Роднини	Игор Џамбазов (внук)
Деца	Анче Џамбазова

Прличко во улога на Мандана во филмот Мис Стон

Споменик на Петре Прличко во Велес

Споменик на Петре Прличко во Скопје

Петре Прличко (Велес, 13 март 1907 - Скопје, 16 ноември 1995) — истакнат македонски глумец во повеќе филмови, театарски претстави и телевизиски екранизации. Сам по себе претставува вистинска легенда и зазема голем удел во македонското глумиште во XX век.

И покрај тоа што бил запишан во гимназија, Петре Прличко не останал долго време таму. Во 1923 година ја напушта гимназијата и се приклучува кон патувачката група на Михајло Лазиќ. Откако прошетал низ неколку театарски дружини, во 1931 година, охрабрен од начинот на кој го примила публиката, тој основа свој сопствен театар „Боем“.

Од 1939 г. членувал во Народниот театар во Скопје, па од 1944 г. во партизанскиот театар „Кочо Рацин“ кој подоцна прераснува во Македонскиот народен театар. Токму тука неговиот талент блеснува во полн сјај и тој станува најзначајната личност на македонската сцена во тоа време. Во меѓувреме го испробува својот талент и како театарски режисер.

Со филмот „Фросина“ (1952) тој го доживува своето филмско деби. Со своите импресивни комични трансформации и изведби на улоги на „човек од народот“ го истакнува својот посебен уметнички сензибилитет, на ниво на кое може да му завидат многу други наши актери.

Добитник е на многу награди и признанија, меѓу кои наградите: АВНОЈ, „11 Октомври“, „Бранко Гавела“, Орден за заслуга (доделен од Георги Димитров) и други.

Во една прилика Петре Прличко изјави дека сепак ако мора да избере една улога како најдрага тоа секако ќе биде „Манданата“ т.е. неговиот лик во филмот „Мис Стон“, за која ја доби и наградата „Златна арена“.

Од неодамна востановена е награда за животно дело „Петре Прличко“ која се доделува на актер од средната генерација и таа се состои од плакета со ликот на Петре Прличко и соодветна парична награда.

Во 2004 година Јелена Лужина објавила монографија за Петре Прличко, во издание на „Магор“.

Награди

• 1959 Пула — „Златна арена“ за главна машка улога во филмот „Мис Стон“
• 1991 Ниш — награда „Славица“ за животно дело.

Филмографија

Година	Филм	Улога	Белешка
1949	Мајка Катина	Ловет
1952	Фросина	Кузман (главна улога)
1955	Волчја ноќ	Паун (главна улога)
1958	Мис Стон	Мандана
1959	Виза на злото	Кузман (главна улога)
1960	Капетанот Леши	Сок (споредна улога)
1961	Мирно лето	Стрико Тале (главна улога)
1961	Парче плаво небо	Дедо Филип
1961	Солунските атентатори	Никола Попов (главна улога)
1961	Твојот роденден	Домарот (главна улога)
1962	Пресметка
1964	Народен пратеник	Јеврем Прокиќ
1964	Марш на Дрину	Трајко
1965	Не се враќај по истиот пат	Кирил
1965	Денови на искушение	Фезлиев (главна улога)
1966	До победата и по неа
1967	Каде по дождот	(споредна улога)
1967	Македонска крвава свадба	Мојсо (главна улога)
1967	Мементо	Коле (главна улога)
1968	Планината на гневот	Моне (главна улога)
1968	Братот на доктор Хомер	Лекарот
1969	Републиката во пламен	Дојчин (главна улога)
1971	Жед	Дедото (споредна улога)
1971	Македонски дел од пеколот	Лоце (главна улога)
1974	Капетанот Микула Мали	Дида
1974	Ужичка Република	Пекарот
1978	Златни години	Берберот
1978	Курирот на Гоце
1980	Време, води	Ламбе Футак (главна улога)
1982	Илинден
1987	Ѕвездите на 42-та	Дедото
1988	Тврдокорни
1990	До, ре, ми
1993	Бог да ги убие шпионите
1999	Време, живот

Надворешни врски

• Осврт кон актерството на Прличко од Билјана Црвенковска
• Соња Гулевска: Актер кој беше и остана легенда
• Петре Прличко на Семрежната филмска база на податоци (англиски)