Републиката во пламен (филм)
| „Републиката во пламен“ | |
|---|---|
 | |
| Режисер | Љубиша Георгиевски и Јован Бошковски |
| Сценарист | Љубиша Георгиевски |
| Главни улоги | Ристо Шишков Драги Костовски Илија Милчин Илија Џувалековски Петре Прличко Вукан Диневски Јосиф Јосифовски Ристо Стефановски Ирена Просен Стево Спасовски Јелена Жигон Јон Исаја |
| Музика | Тома Прошев |
| Дистрибутер | Вардар филм |
| Премиера | 1969 |
| Времетраење | 105 минути |
| Земја | СР Македонија, СФРЈ |
| Јазик | македонски |
„Републиката во пламен“ — македонски игран филм по сценарио на Љубиша Георгиевски и Јован Бошковски, а во режија на Љубиша Георгиевски. Монтажер бил Вангел Чемчев, а музиката ја компонирал Тома Прошев.
Премиерата била одржана во 1969 година.
Кратка содржина
[уреди | уреди извор]На 2 август 1903 година, на светиот ден Илинден, во Македонија е кренато востание. Тоа беше одговор на повеќевековното ропство и теророт на кој беше изложен македонскиот народ. Илинденското востание кулминираше во создавањето на Крушевската Република која опстојуваше десет дена и беше единствена република на Балканот во тоа време. За да се објаснат целта и намерите на востанието, Никола Карев, претседател на Крушевската Република го пишува Манифестот на Крушевската Република, кој според прогресивноста на идеите изнесени во него е далеку пред времето на настанувањето. Веднаш по започнувањето на востанието кое претендираше да се прошири низ поголемиот дел од Македонија, стана јасно дека тоа е кренато без целосни подготовки... Бројна османлиска војска го напаѓа Крушево. Востаниците го напуштаат градот. Останува само четата на Питу Гули. Тој е решен да даде пример како се сака својот народ и како се гине за неговата слобода. Нивната херојска смрт на Мечкин Камен ја заслужи и почитта на непријателот. „Иако краткотрајна, по своите идеи Крушевската република беше величествена. Македонија го имаше својот прв Илинден, проследен со крвави години на тешки страдања. Македонија ќе го има и својот втор Илинден, при идната епоха на блиски победи и ослободувања. Овој втор Илинден е близок, тој доаѓа...“ - во „Илинденец“, Димо Хаџи Димов.
Улоги
[уреди | уреди извор]| Глумец | Улога |
| Драги Костовски | Никола Карев |
| Ристо Шишков | Питу Гули |
| Драгомир Фелба | Чавче |
| Илија Џувалековски | Ташку Ѓонда |
| Петре Прличко | Дојчин |
| Вукан Диневски | Сулејман Али |
| Ирена Просен | |
| Јелена Жигон | |
| Стево Спасовски | |
| Илија Милчин | Јаја-ефенди |
| Димитар Костаров | |
| Тодор Николовски | |
| Ацо Стефановски | |
| Љубиша Трајковски | |
| Истреф Беголи | |
| Јосиф Јосифовски | |
| Томо Видов | |
| Јон Исаја |
Останати улоги ▼
Надворешни врски
[уреди | уреди извор]
- Македонски филмови од 1960-тите
- Македонски филмови за османлискиот период
- Југословенски филмови за османлискиот период
- Филмови од 1969 година
- Филмови со Јосиф Јосифовски
- Појавено во 1969 година во Македонија
- Појавено во 1969 година во Југославија
- Филмови чие дејствие се одвива во Крушево
- Филмови чие дејствие се одвива во Отоманското Царство
- Филмови чие дејствие се одвива во 1903 година