Фросина (филм)

„Фросина“
	Фросина
Режисер	Воислав Нановиќ
Сценарист	Владо Малески
Главни улоги	Мери Бошкова; Ацо Јовановски; Петар Вељановски; Предраг Наѓа ; Петре Прличко; Илија Џувалековски; Љупка Џундева; Кирил Ќортошев
Жанр	драма
Музика	Трајко Прокопиев
Дистрибутер	Кино Култура
Премиера	28 јуни 1952
Времетраење	79 мин.
Земја	СР Македонија
Јазик	македонски

Фросина — првиот македонски игран филм по сценарио на Владо Малески, а во режија на Воислав Нановиќ. Претставен е во 1952 г. Снимател бил Киро Билбиловски, а музиката ја компонирал Трајко Прокопиев, сценографијата е на Милан Васиќ, а асистент на режија бил Трајче Попов. Премиерата била одржана на 28 јуни 1952 година во скопското кино „Култура“^[1]. Главната улога, ликот на мајката, го толкува Мери Бошкова, а во другите улоги играат Ацо Јовановски, Петар Вељановски, Предраг Наѓа и други.

Филмот е снимен во црно-бела техника, со времетраење од 79 минути, со стандардна техника на 35 милиметри. Жанрот е социјална драма, која ја обработува темата на печалбарскиот живот, војната и трагичниот живот на една мајка.