Еберхард III (војвода на Виртемберг)
| Еберхард III | |||||
|---|---|---|---|---|---|
 | |||||
| Војвода на Виртемберг | |||||
| На престол | 1628-1674 | ||||
| Претходник | Јован Фридрих | ||||
| Наследник | Вилијам Лудвиг | ||||
| Роден(а) | 16 декември 1614 Штутгарт | ||||
| Починал(а) | 2 јули 1674 Штутгарт | ||||
| Сопружници | Ана Катарина од Салм-Кирбург Марија Доротеја Софи од Етинген-Етинген | ||||
| |||||
| Династија | Династија Виртемберг | ||||
| Татко | Јован Фридрих | ||||
| Мајка | Барбара Софи од Бранденбург | ||||
Еберхард III (германски: Eberhard III; 16 декември 1614, во Штутгарт – 2 јули 1674, во Штутгарт) — војвода на Виртемберг од 1628 година до неговата смрт во 1674 година.
Еберхард III станал наследник под старателство во 1628 година за време на Триесетгодишната војна на 14-годишна возраст по смртта на неговиот татко, Јован Фридрих, 7-ми војвода од Виртемберг. Негов старател на почетокот бил братот на неговиот татко Лудвиг Фридрих, војвода од Виртемберг-Монтбелијар, а по неговата смрт во 1631 година, Јулиј Фридрих, војвода од Виртемберг-Вајлтинген.
Виртемберг изгубил околу една третина од својата територија во 1629 година. Јулиј Фридрих бил сменет како старател во 1633 година кога Еберхард бил прогласен за полнолетен и го презел целосно владеењето со Војводството. По големиот пораз на трупите на Виртемберг во битката кај Нордлинген на 6 септември 1634 година, Виртемберг бил сериозно ограбен и разурнат.
Еберхард побегнал во Стразбур каде се оженил во 1637 година, враќајќи се во Виртемберг во 1638 година по долги преговори со Фердинанд III од Светото Римско Царство. Во тоа време многу територии веќе биле предадени од страна на царот на други семејства за да се поттикне католицизмот во регионот.
Војводството Виртемберг било обновено по долги преговори што резултирале со Вестфалскиот мир од 1648 година, а поради последиците од војната, сиромаштијата, гладот и бубонската чума, го намалило населението од 350.000 во 1618 година на 120.000 во 1648 година.
Еберхард III склучил договор за наследство со неговиот помлад брат Фридрих со што ја предал сопственоста на Војводството Виртемберг-Нојенштат и на тој начин воспоставил нова гранка на војводството. Во 1651 година, Еберхард дошол до сличен договор со друг брат, Улрих кој владеел со замокот Нојенбург.
| ||||||||||||||||||||||||||||||||||||||||||||||||||||||||||||||