Драматица

Од Википедија — слободната енциклопедија
Прејди на прегледникот Прејди на пребарувањето
Драматица
Aggitis canyon.JPG
Драматица во клисурата Ташлак
Слив
Главен извор Драма
Устие Струма
Физички особености
Должина 75 км

Драматица или Ангиста (понекогаш Драманица[1]; грчки: Αγγίτης, Ангитис) — река во источниот дел на Егејска Македонија (денес во Грција) по чие течение е сместен градот Драма. Во Грција, за почеток на реката се смета нејзината притока Панега, која извира од пештерата Маара кај с. Нови Калапот (Ангитис) и се влева во Драматица кај с. Фотилово. Од Драма до Фотилово, Грците ја нарекуваат Света Варвара (Аја Варвара).

Со должина од 75 км, Драматица е најголемата притока на Струма во Егејска Македонија. Тече низ Драмско и Серско.

Почнувајќи од кај с. Баница, јужно од Алистратик, реката тече стрмната клисура Ташлак (Враус) должина од 9 км и длабочина од 80 до 150 метри. Завршува кај Станица Ханџишта (Статмос Ангистис), каде се наоѓа Стариот мост. Водите во клисурата се мошне погодни за практикување на сплаварењето. Оттука, реката преоѓа во полето, каде се влева во Струма.

Историја[уреди | уреди извор]

Реката ја споменува уште Херодот (VII, 112[2]) во V век пр. н.е. На почетокот на XX век, речиси целото течение на Драматица ја образува етничката граница помеѓу Грците и Македонците — селата на север од реката биле македонски, а на југ — грчки.[3]

На реката Драматица се случиле неколку настани во историјата на Македонија. На 18-19 март 1903 г. група дејци на Македонската револуционерна организација, предводена од Гоце Делчев, извршила атентат, минирајќи железнички тунел и мост на реката.

Во мај 1913 г., уште пред почетокот на Втората балканска војна, на подрачјето на реката доаѓа до вооружени судири помеѓу бугарски и грчки единици.

Поврзано[уреди | уреди извор]

Галерија[уреди | уреди извор]

Наводи[уреди | уреди извор]

  1. Йордан Иванов. „Местните имена между Долна Струма и Долна Места“. София, БАН, 1982, стр.118.
  2. Inquiries by Herodotus Book 7.
  3. Васил Кaнчов. „Македониja. Етнографиja и статистика“. Софиja, 1900. (вид. картата)