25 декември

Од Википедија, слободната енциклопедија
Прејди на: содржини, барај

Шаблон:Декември 2014 25 декември е 359-иот ден во годината според григоријанскиот календар (360-и во престапна година). Остануваат 6 денови до крајот на годината.

Настани:

800  Папа Лав III во Рим го круниса францускиот владетел Карло Велики за свет римски цар, титула што ја носеле германските монарси сè до времето на Наполеон I.
1066  Во Вестминстерската катедрала во Лондон за англиски крал беше крунисан норманскиот војвода Вилијам I.
1688  Во Франција пребега Јаков II, последниот англиски крал од династија Стјуард, тргнат од престолот поради апсолутистичката политика и натурање на римокатоличката вера.
1717  Се случила катастрофалната „Божиќна поплава“ - северозападна бура, што ги погодила крајбрежните предели на Холандија, Германија и Скандинавија вечерта воочи Божиќ. Во поплавата се удавиле вкупно 14.000 лица.
1741  Шведскиот физичар Андерс Целзиус ја создаде скалата од 100 степени за мерење на температурата - Целзиусова скала.
1776  Генералот Џорџ Вашингтон ги префрли силите со кои командуваше преку реката Делавер во Њу Џерси и неочекувано ги нападна германските платеници кои во Американската војна за независност се бореа на страната на Британците.
1903  Во Софија излезе од печат книгата „За македонцките работи“ од македонскиот револуционер, публицист и лингвист Крсте Петков Мисирков. Во неа Мисирков ја истакнува и ја заштитува националната индивидуалност на македонскиот народ и неговото право на самостоен културен и национален развој. На едно место во книгата пишува: „Македонците, како посебен словенски народ, што низ вековите ја делел судбината заедно со соседните словенски и несловенски народи, си имаат сопствена национална историја и култура“.
1914  Во Првата светска војна на Западниот фронт стапи на сила легендарното неофицијално „божикно примирје“, кога група британски и германски војници го откажаа пукањето, излегувајќи од рововите и сретнувајќи се на ничија територија помеѓу завојуваните страни
1926  Јапонскиот регент принцот Хирохито го наследи престолот на Јапонија по смртта на неговиот татко, царот Јошихито.
1943  Министерството за надворешни работи на Велика Британија во Втората светска војна му испрати телеграма на премиерот Винстон Черчил во која пишува: „Нашата политика мора да се потпре на фактот - партизаните ќе завладеат во Југославија. Тие се за нас, од воен аспект, од голема корист и мораме да им дадеме полна поддршка. Воените причини се поважни од политичките...“.
1971  Во пожар во еден хотел во Сеул, главниот град на Јужна Кореја, загинаа 139 луѓе.
1979  Советски трупи влегоа во Авганистан, во прва воена интервенција на Советскиот Сојуз надвор од Варшавскиот пакт, а официјална Москва ова го објасни како интервенција со цел да се спречи граѓанската војна во земјата.
1989  Сменетиот романски диктаторски пар Николае и Елена Чаушеску се стрелани во Трговиште по тајното и брзо судење.
1991  Михаил Горбачов поднесува оставка на местото претседател на СССР, и должноста му ја предава на Борис Елцин.
1991  Во Штип, во издание на Културно-просветната зедница на Штип, излезе првиот број на весникот „Опсерватор“.
1995  На парламентарните избори во Турција, победија исламистите од РЕФАХ (конзервативно - исламистичката партија за просперитет), на чело со лидерот на партијата Неџмедин Ербакан.
1995  Во поплавите на истокот од Јужна Африка загинаа најмалку 124 лица.
1997  На Куба за прв пат после три децении јавно е прославен Божиќ, а претседателот Фидел Кастро го прогласил тој ден за празник во чест на папата кој во јануари 1998 ја посетил Куба.
2000  Во пожар кој го зафати центарот на кинескиот град Луојанг животот го загубија најмалку 309 луѓе.
2003  При падот на патничкиот авион „боинг 727“ во Атланскиот Океан набрзо по полетувањето од Бенин кон Либан загинаа 138 патници и членови на екипажот, вклучувајќи 15 офицери на армијата на Бангладеш, додека 22 лица ја преживеаја несреќата.
2003  Звездан Јовановиќ го призна убиството на српскиот премиер Зоран Ѓинѓиќ.

Родени:

1250  Јован IV Дука Ласкарис — никејски император.
1642  Исак Њутн — англиски физичар, астроном и математичар.
1878  Јован Бабунски — србомански четнички војвода.
1882  Рајна Алексова — македонски фармацевт.
1899  Хамфри Богарт — американски филмски актер.
1918  Јоргос Ралис — премиер на Грција.
1923  Естреја Овадија - Мара — македонски народен херој.
1920  Јован Бошковски — македонски писател.
1925  Карлос Кастанеда — американски автор.
1943  Зафир Хаџиманов — македонски пејач и композитор.
1952  Павле Трајанов — македонски политичар.
1954  Ени Ленокс — шкотска рок пејачка на групата Јуритмикс.
1956  Олег Дементиенко — македонски поет.
1967  Борис Новковиќ — хрватски поп пејач.
1971  Дајдо — британска пејачка.
1976  Армин ван Бурен — холандски транс продуцент и диџеј.
1990  Морено Мозер — италијански велосипедист.

Починале:

795  Адријан I — римски папа.
820  Лав V — византиски император.
1683  Кара Мустафа пашаГолем везир на Отоманската Империја.
1938  Карел Чапек — чешки писател.
1977  Чарли Чаплин — најголем артист на немиот филм.
1989  Николае Чаушеску — романски комунистички лидер.

Празници:

Божиќ, денот на Христовото раѓање, го прославуваат сите цркви со католичка, протестантска и православна вероисповест кои го користат Грегоријанскиот календар. Празник во многу земји во светот.
јануари | февруари | март | април | мај | јуни | јули | август | септември | октомври | ноември | декември