2 декември

2 декември е 336-иот ден во годината според григоријанскиот календар (337-и во престапна година). Остануваат 29 денови до крајот на годината.

Настани:

1772	Основано Кралското физиографско друштво во Лунд, Шведска.
1804	Наполеон Бонапарт е крунисан за император на Франција.
1805	Наполеон Бонапарта ги победил руските и австриските трупи кај Аустерлиц (место кај Брно, во Чешка). Француската војска (околу 73.000 војници) ги поразила сојузничките сили на Русија (околу 70.000 војници) и на Австрија (околу 15.000 војници). Австрискиот цар Франц II утредента склучил примирје со Наполеон. Аустерлиц подоцна станал поим за брза победа.
1942	Во Чикаго за првпат практично бил остварен процесот на нуклеарна фисија. Експериментот успешно го извеле научниците кои работеле на тајниот проект за производство на првата атомска бомба.
1944	Со отворањето на првата автобуска линија на релацијата Скопје - Битола и Прилеп - Битола и со мобилизацијата на четирите расположиви автобуси, започната е новата историја на сообраќајната гранка во Македонија. Собранието на Деловната заедница „Македонија сообраќај“ на 04.12.1984 година, донесе одлука 2 декември да биде прогласен за Ден на работниците од јавниот патен сообраќај во Македонија.
1946	По борбата што се водела помеѓу македонските партизани и грчката владина војска на патот Лерин - Псодери, грчките власти започнале со терор во селото Буф. Околу 200 полицајци и 80 вооружени монархисти од околните села вршеле грабежи, горење и пустошење. Запалиле 46 трла, плевни, воденици, ѕверски мачеле 28 невини Македонци.
1956	Фидел Кастро и помала група кубански револуционери се истовариле на Куба и започнале борба, која завршила со соборување на диктаторскиот режим на Баиста.
1993	Франција официјално објави дека ќе воспостави дипломатски односи со Република Македонија.
1997	Во Новокузнецк, од експлозија на метан во рудникот за јаглен Зирјановскаја, загинале 61 рудар.

Родени:

1728	Фердинандо Галијани, италијански економист и значаен општественик од времето на просветителството.
1962	Владо Бучковски, поранешен премиер на Република Македонија.
1987	Николас Еде, француски велосипедист.
1989	Матео Дармијан, италијански фудбалер.

Починале:

1470	Пјеро ди Козимо де Медичи, владетел на Фиренца.
1497	Ана Сфорца, ќерка на Галеацо Марија Сфорца.
1918	Едмонд Ростан, француски неороматичарски поет и драмски писател.
1974	Лајош Зилахи, унгарски писател.

Празници:

1944	Ден на работниците од јавниот патен сообраќај во Македонија
*	Светски ден на укинување на ропството