Кошаркарска репрезентација на Македонија

Од Википедија — слободната енциклопедија
Прејди на: содржини, барај
Македонија Македонија

КФМлого.jpg

Ранг листа на ФИБА: 33[1]
Член на ФИБА од: 1993
ФИБА зона ФИБА Европа
Национална федерација: КФМ
Тренер: Србија Александар Џикиќ
Прекар: Лавови
Црвено-Жолти
Олимписки игри
Учества 0
Медали 0
Светско првенство
Учества 0
Медали 0
Евробаскет
Учества 5 (1999, 2009, 2011, 2013, 2015)
Медали 0
Дресови
Kit body mkdnbb11h.png
Светли jersey
Kit shorts mkdnbb11h.png
Team colours
Светли
Kit body mkdnbb11a.png
Темни jersey
Kit shorts mkdnbb11a.png
Team colours
Темни


Машката кошаркарска репрезентација на Македонија, позната и како „Репрезентација А Мажи“, е спортска репрезентација која ја претставува Македонија во кошарка во машка конкуренција.

Репрезентацијата е под покровителство на Кошаркарската Федерација на Македонија (КФМ) и е членка на ФИБА од 1993 година. Најголем успех на репрезентацијата е учеството на Европското првенство во кошарка во 2011 година во Литванија, каде Македонија го освоила четвртото место. Поради овој успех, самопрегорноста во играта и афирмацијата на татковината во светот, екипата била одликувана со Медал за заслуги за Македонија од страна на претседателот на државата.[2]

Историја[уреди]

КФМ, како раководно тело на кошаркарските репрезентации и екипи во Македонија, била создадена во 1992 година и една година подоцна била примена во рамките на ФИБА Европа. Претходно, македонските машки и женски кошаркари биле дел од репрезентацијата на СФРЈ, која своевремено била една од најголемите сили на светската кошаркарска сцена. По распадот на СФРЈ, секоја поранешна југословенска република започнала со нови кошаркарски федерации и репрезентации.

Европски првенства[уреди]

година место натпреварување домаќин
1955 Види Југославија Евробаскет 1955 Унгарија
1957 Види Југославија Евробаскет 1957 Бугарија
1959 Види Југославија Евробаскет 1959 Турција
1961 Види Југославија Евробаскет 1961 Југославија
1963 Види Југославија Евробаскет 1963 Полска
1965 Види Југославија Евробаскет 1965 СССР
1967 Види Југославија Евробаскет 1967 Финска
1969 Види Југославија Евробаскет 1969 Италија
1971 Види Југославија Евробаскет 1971 Западна Германија
1973 Види Југославија Евробаскет 1973 Шпанија
1975 Види Југославија Евробаскет 1975 Југославија
1977 Види Југославија Евробаскет 1977 Белгија
1979 Види Југославија Евробаскет 1979 Италија
1981 Види Југославија Евробаскет 1981 Чехословачка
1983 Види Југославија Евробаскет 1983 Франција
1985 Види Југославија Евробаскет 1985 Западна Германија
1987 Види Југославија Евробаскет 1987 Грција
1989 Види Југославија Евробаскет 1989 Југославија
1991 Види Југославија Евробаскет 1991 Италија

Летни олимписки игри[уреди]

година место натпреварување домаќин
1936 Види Југославија Кошарка на Летните Олимписки Игри 1936 Германија
1948 Види Југославија Кошарка на Летните Олимписки Игри 1948 Велика Британија
1952 Види Југославија Кошарка на Летните Олимписки Игри 1952 Финска
1956 Види Југославија Кошарка на Летните Олимписки Игри 1956 Австралија
1960 Види Југославија Кошарка на Летните Олимписки Игри 1960 Италија
1964 Види Југославија Кошарка на Летните Олимписки Игри 1964 Јапонија
1968 Види Југославија Кошарка на Летните Олимписки Игри 1968 Мексико
1972 Види Југославија Кошарка на Летните Олимписки Игри 1972 Германија
1976 Види Југославија Кошарка на Летните Олимписки Игри 1976 Канада
1980 Види Југославија Кошарка на Летните Олимписки Игри 1980 СССР
1984 Види Југославија Кошарка на Летните Олимписки Игри 1984 САД
1988 Види Југославија Кошарка на Летните Олимписки Игри 1988 Кореја

Светски првенства[уреди]

година место натпреварување домаќин
1950 Види Југославија Светско првенство во кошарка 1950 Аргентина
1954 Види Југославија Светско првенство во кошарка 1954 Бразил
1959 Види Југославија Светско првенство во кошарка 1959 Чиле
1963 Види Југославија Светско првенство во кошарка 1963 Бразил
1967 Види Југославија Светско првенство во кошарка 1967 Уругвај
1970 Види Југославија Светско првенство во кошарка 1970 Југославија
1974 Види Југославија Светско првенство во кошарка 1974 Порторико
1878 Види Југославија Светско првенство во кошарка 1978 Филипини
1982 Види Југославија Светско првенство во кошарка 1982 Колумбија
1986 Види Југославија Светско првенство во кошарка 1986 Шпанија
1990 Види Југославија Светско првенство во кошарка 1990 Аргентина

Настапи на Македонија како самостојна репрезентација[уреди]

Евробаскет 1999[уреди]

Првиот голем успех, македонската кошаркарска репрезентација го забележала во 1999 година, кога се пласирала на завршницата на европското првенство во Франција. За време на ова првенство, Македонија била дел од групата А, заедно со СР Југославија, Франција и Израел. Во оваа група, Македонија завршила последна, со освоени 3 бода и кош разлика од -21. Целосно гледано, на ова европско првенство, Македонија завршила на 14 место, пред Босна и Херцеговина и последнопласираната Грција.

Екипа Поени Поб. Пор. PCT ДП ПП Раз.
 Сојузна Република Југославија 6 3 0 1.000 227 181 +46
 Франција 5 2 1 0.667 200 196 +4
Израел Израел 4 1 2 0.333 191 220 -29
Македонија Македонија 3 0 3 0.000 197 218 -21

Евробаскет 2009[уреди]

Следниот позначаен резултат Македонија го забележала по 10 години од првото учество на европското првенство, кога успеала да се пласира на завршницата на европското првенство во Полска во 2009 година. На завршниот турнир, Македонија дошла преку квалификациите кои траеле од 3 до 20 септември 2008 година. Македонија била дел од групата Б, заедно со Летонија, Португалија и Естонија. На крајот од квалификациската рунда, Македонија како лидер во групата обезбедила место на завршницата во Полска. На Европското првенство, Македонија била дел од групата А, заедно со Грција, Хрватска и Израел. На ова европско првенство, Македонија го забележала дотогаш најголемиот успех, односно успеала да ја помине групата и на конечната листа да заврши на деветтото место. По поминувањето на групата, Македонија била дел од групата Е, заедно со Франција, Русија, Грција, Хрватска и Германија и завршила на претпоследното место, кое гарантирало девето место на конечната ранг листа. На овој евробаскет, Македонија го забележала успехот со победување на репрезентациите на Израел и Германија и со конечен рекорд 2-4. На ова првенство, селектор на репрезентацијата бил српскиот тренер Јовица Арсиќ, која ја водел македонската репрезентација од 2007 година, а по завршувањето на првенството, и покрај остварениот задоволителен успех, тој неочекувано предвреме го раскинал договорот со КФМ.[3]

Екипа Одиг. Поб. Пор. ДК ПК КР Поени Двобој
 Франција 5 5 0 380 334 +46 10
 Русија 5 3 2 338 338 0 8 1–0
 Грција 5 3 2 380 337 +43 8 0–1
 Хрватска 5 2 3 357 364 -7 7
Македонија Македонија 5 1 4 337 396 -59 6 1–0
 Германија 5 1 4 360 383 -23 6 0–1

Евробаскет 2011[уреди]

Екипа ОН Поб. Пор. ДП ПП КР Бод.
 Русија 5 5 0 355 310 +45 10
 Македонија 5 4 1 338 313 +25 9
 Грција 5 3 2 348 336 +12 8
 Словенија 5 2 3 337 337 0 7
 Финска 5 1 4 338 372 -34 6
 Грузија 5 0 5 329 377 -48 5

Македонија се пласирала на Евробаскетот 2011 во Литванија преку квалификациите. Во квалификицациите, Македонија играла во група со Велика Британија, Босна и Херцеговина, Украина и Унгарија. Како второпласирана репрезентација во квалификациите, Македонија обезбедила учество на Евробаскетот, каде играла во групата C, со Црна Гора, Хрватска, Грција, Босна и Херцеговина и Финска.

На Евробаскетот 2011 година, Македонија била предводена од селекторот Марин Докузовски. Во прелиминарнара фаза, Македонија завршила на првото место во групата C, со 4 победи и еден пораз, односно ги победила селекциите на Грција, Финска, Хрватска и Босна и Херцеговина, а забележала пораз од Црна Гора, кој воедно бил прв натпревар во групата. Со тој резултат, Македонија влегла во втората фаза од шампионатот, односно во групата F, каде играла против Грузија, Словенија и Русија, а во таа група биле и репрезентациите на Финска и Грција.

По победата над Грузија, Македонија обезбедила пласман во четвртфиналето, што до тој момент бил најголем успех во македонската кошаркарска историја. Во претпоследното коло од втората фаза, Македонија ја поразила Словенија, а во последното коло од втората фаза, Македонија тесно изгубила од Русија на две секудни при крајот.

Како второпласирана во групата од втората фаза, Македонија во четвртфиналето играла со третопласираната од другата група, односно со домаќинот Литванија, која ја совладала со два поени разлика и обезбедила учество во полуфиналето. Во полуфиналето, селекцијата на Македонија се сретнала со Шпанија, која во четвртфиналето ја победила Словенија и така го постигнала најголемиот успех во историјата на македонската кошарка. Во полуфиналето, Македонија загубила од Шпанија и со тоа играла за бронза со Русија, а Шпанија играла за златото со Франција. Во борбата за третото место, Македонија загубила од Русија и завршила на четвртото место - најдобриот пласман во историјата на оваа репрезентација. Истовремено, благодарение на освоеното четврто место, Македонија директно се пласирала на Евробаскетот 2013 и на квалификацискиот турнир за Олимписките игри во Лондон 2012.

По завршувањето на првенството, во Скопје била приредена голема прослава низ улиците и плоштадите, дополнета со пригодна програма. Сепак, и покрај остварениот огромен успех, веднаш по Евробаскетот 2011, селекторот Докузовски поднесол оставка.[4]

Летни Олимписки игри 2012[уреди]

Македонија, како четвртопласирана на Евробаскетот 2011, обезбедила пласман на квалификацискиот турнир за Летните Олимписки игри во Лондон 2012 година. Македонија играла во групата Д, со селекциите на Нов Зеланд и Ангола. Првите две пласирани екипи од оваа група играле во четвртфиналето против првите две пласирани од групата Ц при што смо три екипи обезбедиле пласман на ЛОИ во Лондонд 2012. Турнирот се одржувал во Венецуела, а првиот натпревар Македонија го одиграла на 3 јули 2012 против Нов Зеланд. Македонија не успеала да се квалификува за Олимписките игри, бидејќи била поразена во четвртфиналето со пораз од Доминикана.

Евробаскет 2013[уреди]

Crystal Clear app xmag.svg Главна статија: „Евробаскет 2013.

Македонија се квалификувала за Евробаскетот 2013 година, кој се одржал во Словенија. На ова првенство, репрезентацијата ја водел селекторот Алеш Пипан, кој истовремено бил тренер и на КК "МЗТ". При извлекувањето на групите, Македонија била во првиот шешир и играла во групата B, заедно со селекциите на Црна Гора, Босна и Херцеговина, Србија, Латвија и Литванија, а натпреварите се играле во Јесенице.[5] Настапот на ова првенство, Македонија го завршила уште во првата фаза, пласирајќи се како последна во групата В. По завршувањето на првенството, како последица на острите критики за претрпениот неуспех, селекторот Пипан поднесол оставка.[6]

Евробаскет 2015[уреди]

Crystal Clear app xmag.svg Главна статија: „Евробаскет 2015.

Македонија играла во квалификациите за Евробаскет 2015. За време на квалификациите била во групата Д заедно со репрезентациите на Данска, Белгија и Белорусија. Македонија се пласирала на Евробаскетот на 27 август 2014, завршувајќи на второ место и со исто бодови како и првопласираната Белгија, со тоа станала најдобро рангирана второпласирана репрезентација. Ова ќе биде петто учество на Македонија на Евробаскетот.

Состав[уреди]

Целосен состав[уреди]

Македонската кошаркарска репрезентација пред натпреварот со Украина во Спортскиот центар Борис Трајковски

Целосниот состав на машката кошаркарска репрезентација е следниот:[7]

Име и презиме Позиција Висина Датум на раѓање Место на раѓање
Ефтим Богоев бек 1,85 2 ноември 1980 Flag of Macedonia.svg Струмица
Ивица Димчевски бек 1,92 27 јуни 1989 Flag of Macedonia.svg Скопје
Златко Гоцевски центар 2,06 9 февруари 1982 Flag of Macedonia.svg Штип
Маркиз Грин бек 1,65 18 март 1982 Flag of the United States.svg Пенсилванија
Бојан Крстевски крило 2,05 4 јуни 1989 Flag of Macedonia.svg Скопје
Јован Марковски крило 1,98 28 март 1988 Flag of Macedonia.svg Скопје
Џеремаја Мејси крило 2,02 22 јули 1982 Flag of the United States.svg Мајами
Кирил Николовски центар 2,10 9 јуни 1988 Flag of Macedonia.svg Скопје
Јане Петровски бек 1,80 9 февруари 1985 Flag of Macedonia.svg Скопје
Ристе Стефанов бек 1,94 30 август 1981 Flag of Macedonia.svg Кавадарци
Дариус Вашингтон бек 1,88 6 декември 1985 Flag of the United States.svg Орландо, Флорида
5 Димитар Мираковски бек 1,78 14 мај 1981 Flag of Macedonia.svg Струмица
6 Дарко Соколов бек 1,90 8 мај 1986 Flag of Macedonia.svg Кочани
7 Димитар Караџовски 7 ноември 1984 Flag of Macedonia.svg Скопје
8 Војдан Стојановски бек 1,94 9 декември 1987 Flag of Macedonia.svg Охрид
9 Дамјан Стојановски бек 1,93 9 декември 1987 Flag of Macedonia.svg Охрид
10 Александар Костоски бек 1,88 5 март 1988 Flag of Macedonia.svg Скопје
12 Перо Антиќ крило 2,10 29 јули 1982 Flag of Macedonia.svg Скопје
13 Марко Симоновски бек 1,90 28 јуни 1989 Flag of Macedonia.svg Скопје
14 Ѓорѓи Чековски крило 2,02 11 декември 1979 Flag of Macedonia.svg Скопје
15 Предраг Самарџиски центар 2,15 11 април 1986 Flag of Macedonia.svg Скопје
20 Лестер Бо МекКејлеб бек 1,83 4 мај 1985 Flag of the United States.svg Њу Орлеанс
16 Давид Настов бек 1,78 26 февруари 1997 Flag of Macedonia.svg Велес
21 Драган Перков бек 1,65 23 Октомври 1998 Flag of Macedonia.svg Велес

Евробаскет 2011[уреди]

На Евробаскетот 2011, македонската репрезентација била составена од:[8]

Име и презиме Позиција Висина Датум на раѓање Место на раѓање
4 Димитар Мираковски плејмејкер 1,78 14 мај 1981 Flag of Macedonia.svg Струмица
5 Владо Илиевски плејмејкер 1,87 19 јануари 1980 Flag of Macedonia.svg Струмица
6 Дарко Соколов плејмејкер 1,90 8 мај 1986 Flag of Macedonia.svg Кочани
7 Лестер Бо Мекејлеб плејмејкер 1,83 4 мај 1985 Flag of the United States.svg Њу Орлеанс
8 Војдан Стојановски бек 1,94 9 декември 1987 Flag of Macedonia.svg Скопје
9 Дамјан Стојановски бек 1,93 9 декември 1987 Flag of Macedonia.svg Скопје
10 Марко Симоновски бек 1,90 28 јуни 1989 Flag of Macedonia.svg Скопје
11 Тодор Гечевски крилен центар 2,08 28 август 1977 Flag of Macedonia.svg Кавадарци
12 Перо Антиќ крилен центар 2,10 29 јули 1982 Flag of Macedonia.svg Скопје
13 Ивица Димчевски бек 1,92 27 јуни 1989 Flag of Macedonia.svg Скопје
14 Ѓорѓи Чековски крилен центар 2,02 11 декември 1979 Flag of Macedonia.svg Скопје
15 Предраг Самарџиски центар 2,15 11 април 1986 Flag of Macedonia.svg Скопје

Олимписки квалификациски турнир 2012[уреди]

Составот на репрезентацијата на олимпискиот квалификациски турнир во Венецуела во 2012 бил:[9]

Име и презиме Позиција Висина Датум на раѓање Место на раѓање
4 Александар Костоски бек 1,86 5 март 1987 Flag of Macedonia.svg Скопје
5 Владо Илиевски бек 1,87 19 јануари 1980 Flag of Macedonia.svg Струмица
6 Дарко Соколов бек 1,90 8 мај 1986 Flag of Macedonia.svg Кочани
7 Лестер Бо Мекејлеб бек 1,83 4 мај 1985 Flag of the United States.svg Њу Орлеанс
8 Војдан Стојановски бек 1,94 9 декември 1987 Flag of Macedonia.svg Скопје
9 Дамјан Стојановски напад 1,93 9 декември 1987 Flag of Macedonia.svg Скопје
10 Марко Симоновски напад 1,92 28 јуни 1989 Flag of Macedonia.svg Скопје
11 Тодор Гечевски центар 2,10 28 август 1977 Flag of Macedonia.svg Кавадарци
12 Перо Антиќ напад 2,11 29 јули 1982 Flag of Macedonia.svg Скопје
13 Кирил Николовски напад 2.11 9 јуни 1988 Flag of Macedonia.svg Скопје
14 Ѓорѓи Чековски напад 2,02 11 декември 1979 Flag of Macedonia.svg Скопје
15 Предраг Самарџиски центар 2,15 11 април 1986 Flag of Macedonia.svg Скопје

Евробаскет 2013[уреди]

На Евробаскетот 2013, македонската репрезентација била составена од:[10]

број Име и презиме Позиција Висина Датум на раѓање Место на раѓање
4 Александар Костоски плејмејкер 1,88 5 март 1988 Flag of Macedonia.svg Скопје
5 Владо Илиевски плејмејкер 1,87 19 јануари 1980 Flag of Macedonia.svg Струмица
6 Дарко Соколов плејмејкер 1,90 8 мај 1986 Flag of Macedonia.svg Кочани
7 Лестер Бо Мекејлеб плејмејкер 1,78 4 мај 1985 Flag of the United States.svg Њу Орлеанс
8 Војдан Стојановски бек 1,94 9 декември 1987 Flag of Macedonia.svg Скопје
9 Дамјан Стојановски бек-шутер 1,93 9 декември 1987 Flag of Macedonia.svg Скопје
10 Владимир Брчков крилен бек 1,97 29 декември 1989 Flag of Macedonia.svg Велес
11 Тодор Гечевски крилен центар 2,08 28 август 1977 Flag of Macedonia.svg Кавадарци
12 Перо Антиќ крилен центар 2,10 29 јули 1982 Flag of Macedonia.svg Скопје
13 Стојан Ѓуроски крилен центар 2,02 6 ноември 1991 Flag of Macedonia.svg Гостивар
14 Ѓорѓи Чековски крилен центар 2,02 11 декември 1979 Flag of Macedonia.svg Скопје
15 Предраг Самарџиски центар 2,15 11 април 1986 Flag of Macedonia.svg Скопје

Евробаскет 2015[уреди]

На Евробаскетот 2015, македонската репрезентација била составена од:[11]

број Име и презиме Позиција Висина Датум на раѓање Место на раѓање
4 Ивица Димчевски крилен центар 2,00 27.6.1989 Flag of Macedonia.svg Скопје
5 Андреј Магдевски бек 1,86 14.1.1996 Flag of Macedonia.svg Скопје
6 Дарко Соколов плејмејкер 1,90 8.5.1986 Flag of Macedonia.svg Кочани
7 Александар Костоски плејмејкер 1,88 5.3.1988 Flag of Macedonia.svg Скопје
8 Војдан Стојановски бек 1,94 9.12.1987 Flag of Macedonia.svg Скопје
9 Дамјан Стојановски бек-шутер 1,93 9.12.1987 Flag of Macedonia.svg Скопје
10 Марко Симоновски бек-шутер 1,92 28.6.1989 Flag of Macedonia.svg Скопје
11 Владимир Брчко крило 1,97 29.12.1989 Flag of Macedonia.svg Велес
12 Бојан Трајковски крило 1,97 11.9.1986 Flag of Macedonia.svg Делчево
13 Стојан Ѓуроски крилен центар 2,02 6.11.1991 Flag of Macedonia.svg Гостивар
14 Марјан Јанески центар 2,03 26.2.1988 Flag of Macedonia.svg Гостивар
15 Венард Ричард Хендрикс крилен центар 2,03 15.11.1986 Flag of the United States.svg Декејтeр, Алабама

Позиции[уреди]

позиција стартни замена резерва
центри Предраг Самарџиски
крила Перо Антиќ Ѓорѓи Чековски Кирил Николовски
ниски крила Војдан Стојановски Дамјан Стојановски Марко Симоновски
бекови Ивица Димчевски Ристе Стефанов
плејмејкери Лестер Мекејлеб Дарко Соколов Димитар Мираковски

Поранешни играчи[уреди]

Некои поуспешни поранешни кошаркари се:

Наводи[уреди]

  1. Ранг листа на ФИБА
  2. „Кошаркарите сепак со медал“. Курир. 20 септември 2011. http://kurir.mk/sport/kosarka/42810-Kosarkarite-sepak-so-medal. конс. 20 септември 2011. 
  3. "Џикиќ ќе ги засука ракавите", Дневник, година XVII, број 5351, петок, 27 декември 2013, стр. 27.
  4. "Џикиќ ќе ги засука ракавите", Дневник, година XVII, број 5351, петок, 27 декември 2013, стр. 27.
  5. Црна Гора прв противник на Евробаскетот во Словенија
  6. "Џикиќ ќе ги засука ракавите", Дневник, година XVII, број 5351, петок, 27 декември 2013, стр. 27.
  7. Состав на репрезентацијата
  8. Репрезентацијата на Македонија на Евробаскетот 2011 на eurobasket2011.com
  9. Состав на Македонија за квалификацискиот олимписки турнир во Венецуела
  10. Репрезентацијата на Македонија на Евробаскетот 2013
  11. Репрезентацијата на Македонија на Евробаскетот 2015

Поврзано[уреди]

Надворешни врски[уреди]