Машката кошаркарска репрезентација на Литванија е репрезентацијата кој ја претставува државата на меѓународните кошаркарски натпреварувања. Репрезентацијата е предводена од Литванската кошаркарска федерација, која е член на ФИБА Европа. Од 1940 до 1991 година Литванија била дел од СССР, а како самостојна играла во 1939 и од 1991 година па наваму.
Како самостојна, Литванија има 11 учества на Евробаскетот, каде освоила три злата, едно сребро и една бронза. Покрај тоа, таа има освоено една бронза на светските првенства од три учества и три бронзи на олимписките турнири од пет учества. За време на СССР, Литванците биле едни од најдобрите играчи.