Чебренски манастир

Од Википедија — слободната енциклопедија
Прејди на прегледникот Прејди на пребарувањето
Чебренски манастир
Поглед кон манастирскиот комплекс
Информации
Манастир на:МПЦ - ОА
Основан15 век
ЕпархијаПреспанско-пелагониска
Цркви„Св. Димитриј“ и
„Св. Спас“
Место
Местосело Чебрен, Општина Новаци, Мариово, Македонија Македонија
Координати41°07′58″N 21°40′47″E / 41.13278° СГШ; 21.67972° ИГД / 41.13278; 21.67972Координати: 41°07′58″N 21°40′47″E / 41.13278° СГШ; 21.67972° ИГД / 41.13278; 21.67972
Видливи остатоци2 цркви, конак
Оторен за јавностда

Чебренскиот манастир претставува македонски православен манастирски комплекс лоциран по течението на Црна Река, во атарот на историското село Чебрен во срцето на Мариово. До него се стигнува доколку се тргне по патот кој води до селото Зовиќ. Манастирот бил доста познат по своето училиште и богатата библиотека.[1]

Историја[уреди | уреди извор]

Поволната стратешка позиција на манастирскиот комплекс и фактот што во Мариово за време на турското владеење немало исламизација на населението, го направиле овој комплекс еден од најбогатите во Македонија. Истото може да се забележи и преку темелите на старата црква Св. Димитрија, на основ на кои може да се претпостави големината на овој храм. Во своја сопственост манастирот имал воденици со 12 воденички камења, многу стока, како што се овци, кози, крупен добиток. Потоа, ниви, ливади, големи површини со шуми и пасишта. Од пишаните документи се дознава дека манастирот во XIX век имал и свое ќелијно училиште на старословенски јазик. Во ова училиште се подготвувале свештеници и учители за другите мариовски села. Оваа слава на манастирот целосно е запечатена за време на Првата светска војна, кога целиот комплекс бил разрушен.

Цркви[уреди | уреди извор]

Св. Димитриј[уреди | уреди извор]

Crystal Clear app xmag.svg Главна статија: „Црква „Св. Димитриј“ - Чебрен.

Главна манстирска црква е таа што е позветена на Св. Димитриј Солунски. Во минатото таа била доста богата и грандиозна црква во комплексот. Денес таа е обновена, но во помали димензии, и нејзиниот иконостас датира од 15 век, а бил реновиран во 19 век.

Вознесение Христово[уреди | уреди извор]

Црквата „Вознесение Христово“ попозната како „Св. Спас“ се наоѓа во близина на комплексот и е со помали димензии. Таа е мала еднокорабна црква ( 6,30 х 4,30 м.) со полукружна апсида на исток и влез во наосот на запад. Градена е од обичен речен камен со врзиво од варов малтер. Внатрешноста е поделена со дрвена олтарна преграда на два дела .Сите четири ѕидови од наосот и олтарниот простор се живописани во фреско техника. Според досегашните сознанија и стручната литература фреските се датирани во 16 век. Нивната сочувана површина изнесува околу 60m².

Туризам[уреди | уреди извор]

Денес иако целиот компекс е запуште, сепак се прават за негово повтоарно заживување и враќање на монашкиот живот.Секоја година за празникот посветен на Свети Ѓоргија, Ѓурѓовден, се собираат повеќе илјади луѓе да празнуваат. Покрај жители од Мариово, кои имаат потекло од мариовските села, доаѓаат и голем број на гости од другите краеви на Македонија. Сепак со мизградбата на вештачката акумулација Чебрен, овој комплекс може да се најде и под вода.

Галерија[уреди | уреди извор]


Фреска на Архангел Гаврил Фреска на Архангел Михаил Фреска на Св. Димитриј Солунски
Фреска на Архангел Гаврил
Фреска на Архангел Михаил
Фреска на Св. Димитриј Солунски
Фрески од влезната врата на Манастирот

Наводи[уреди | уреди извор]

  1. Анета Стефановска, Науме Ѓоргиевски (2010) (на македонски и англиски). Библиотеките во црквите и манастирите во Преспанско-пелагонискиот регион. Битола: Национална установа – Универзитетска библиотека „Св. Климент Охридски“. ISBN 978-608-4538-18-9. http://nuub.mk/index.php?option=com_docman&task=doc_download&gid=8&Itemid=. 

Надворешни врски[уреди | уреди извор]