Црква „Св. Архангел Михаил“ - Радожда

Местоположба
Архангел Михаил


македонска православна црква
Епархија	Дебарско-кичевска
Архијерејско намесништво	Струшко
Парохија	Трета струшка

Место	Радожда
Општина	Струга
Држава	Македонија
Општи податоци
Покровител	Архангел Михаил
Архитектонски опис

Свети Архангел Михаил — пештерна црква во струшкото село Радожда^[1]. Во еден од најубавите предели на западниот брег на Охридското Езеро, над с. Радожда. Црквата е посветена на Архангел Михаил.

Историја

Најголемиот дел од откриените фрески потекнуваат од XIV век, а посебно се истакнува единствената сочувана композиција од XIII век, со претстава "Чудото во Хона" - насликана во чест на патронот кому е посветена црквата.

Зографот што го насликал овој лик ни се прикажува не само како надарен мајстор, туку и напреден творец кој ги излага новите непознати уметнички идеали - внесувајќи во ликот внатрешна сугестивност.

Оваа пештерна црква повторно е живописана кон крајот на XIV век, кога во Охрид и околината никнуваат многубројни споменици, придружени со процутот на сликарските работилници.

Нема сомнение дека помладиот слој живопис на Свети Архангел Михаил од пештерната црква е едно од последните дела на Охридската сликарска школа од XIV век.

Ноќта помеѓу 12 и 13 ноември 2011 г. имало и обид за кражба во црквата, каде сторителот извршил пребарување, а откако не одзел ништо го напуштил местото.^[2] Истата ноќ, во другата селска црква „Св. Никола“ била извршена тешка кражба, каде биле украдени 12 вредни икони кои потекнуваат од XIX век како и еден сребрен крст со подлошка.^[3]

Наводи

↑ „Струшко архијерејско намесништво“. Дебарско-кичевска епархија. Архивирано од изворникот на 2014-03-04. Посетено на 2010-05-17.
↑ Аритоновска, Нина (14 ноември 2011). „Ограбени цркви во струшко Радожда“. Сител. Посетено на 2011-11-15.
↑ Момировски, Горан (14 ноември 2011). „УКРАДЕНИ 12 ИКОНИ И СРЕБРЕН КРСТ ОД ЦРКВАТА ВО РАДОЖДА“. Телма. Посетено на 2011-11-15.

Надворешни врски

Фрески во црква "Св.Архангел Михаил" во с. Радожда Архивирано на 23 февруари 2014 г.
Црквата Св. Архангел Михаил" избрана во конкуренција меѓу 146 споменици во светот, Утрински вестник, 16 октомври 2006
Пештерна црква Св. Архангел Михаил - с. Радожда Архивирано на 23 февруари 2014 г.

Галерија

[1] „Струшко архијерејско намесништво“. Дебарско-кичевска епархија. Архивирано од изворникот на 2014-03-04. Посетено на 2010-05-17.

[2] Аритоновска, Нина (14 ноември 2011). „Ограбени цркви во струшко Радожда“. Сител. Посетено на 2011-11-15.

[3] Момировски, Горан (14 ноември 2011). „УКРАДЕНИ 12 ИКОНИ И СРЕБРЕН КРСТ ОД ЦРКВАТА ВО РАДОЖДА“. Телма. Посетено на 2011-11-15.

[1]

[2]

[3]