Татарли
| Татарли | |
Британски војници со двајца воени заробеници кај Татарли во Првата светска војна, 1915 г. | |
  Татарли | |
| Координати 41°18′17″N 22°37′56″E / 41.30472° N; 22.63222° EКоординати: 41°18′17″N 22°37′56″E / 41.30472° N; 22.63222° E | |
| Регион |  Југоисточен
|
| Општина |  Валандово
|
| Област | Бојмија |
| Население | 0 жит. (поп. 2002) |
| Шифра на КО | |
| Надм. вис. | 150 м |
|
Татарли на општинската карта  | |
Татарли — иселено село во Општина Валандово, во околината на градот Валандово.
Географија[уреди | уреди извор]
Остатоците од селото се сместени во рамничарски предел на областа Бојмија, во јужното подножје на Беласица. Се наоѓаат во атарот на с. Чалакли, нешто повеќе од 5 км од градот Валандово.[1] Во месноста Татарли Чука на северозапад над селото има рудник за варовник.
Историја[уреди | уреди извор]
На крајот на XIX век Татарли било наполно турско село во Дојранската каза. Во „Етнографија на вилаетите Адријанопол, Монастир и Салоника“ се вели дека во 1873 г. Татарли (Tatarli) било село до 58 домаќинства сочинети од вкупно 126 муслимани.[2] Според статистиката на Васил К’нчов („Македонија. Етнографија и статистика“) во 1900 г. селото имало 230 жители, сите Турци.[3]
Според Димитар Гаџанов во 1916 г. во Татарли живееле 185 Турци.[4]
Во ноември 1915 г. за време на Првата светска војна се одиграле жестоки борби помеѓу бугарската окупациска војска и единиците на 178. француски пешадиски, 7. колонијален фанцуско-марокански и 2. африкански полк, кои настапиле со напади околу Костурино, Татарли, Гевгелија, во кои Бугарите успеале да ги одвратат противниците, кои се повлевкле јужно од Дојран.[5] Во чест на оваа победа бугарската власт ја нарекла улицата „Татарли“ во бегалската населба во Софија.[6]
Население[уреди | уреди извор]
Според пописот 2002 г., селото нема жители. На претходниот попис од 1994 г. се забележани 116 жители, од кои 114 Турци и 2 Срби.[7]
Во табелата во продолжение е направен преглед на населението во сите пописни години:
| Година | 1900[8] | 1905[9] | 1948 | 1953 | 1961 | 1971 | 1981 | 1991 | 1994 | 2002 |
|---|---|---|---|---|---|---|---|---|---|---|
| Население | 230 | ? | 73 | 62 | 36 | 24 | 46 | 121 | 116 | 0 |
- Извор за 1948-2002 г.: Државен завод за статистика на РМ.[10]
Самоуправа и политика[уреди | уреди извор]
Изборно место[уреди | уреди извор]
Селото е опфатено во изборното место бр. 297 според Државната изборна комисија, сместени во просториите на основното училиште на селото Чалакли.[11]
На претседателските избори во 2019 година, на ова изборно место биле запишани вкупно 337 гласачи.[12]
Поврзано[уреди | уреди извор]
Наводи[уреди | уреди извор]
- ↑ Панов, Митко (1998). Енциклопедија на селата во Република Македонија: географски, демографски, и аграрни обележја (изд. I.). Скопје: Патрија. стр. 294. ISBN 9989-862-00-1.
- ↑ Македония и Одринско. Статистика на населението от 1873 г. София: Македонски научен институт. 1995. стр. 194–195. ISBN 954-8187-21-3.
- ↑ Кънчов, Васил. Македония. Етнография и статистика, София, 1900, стр. 162.
- ↑ Гаджанов, Димитър Г. Мюсюлманското население в Новоосвободените земи, в: Научна експедиция в Македония и Поморавието 1916, Военноиздателски комплекс „Св. Георги Победоносец“, Университетско издателство „Св. Климент Охридски“, София, 1993, стр. 246.
- ↑ Красимир Узунов, Каймакчалан
- ↑ Мария Иванчева Стефан Кръстев, Широко затворени очи? ИЦСН СУ "Климент Охридски"
- ↑ Татарли — Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година)
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Описи на ИМ“. Посетено на 6 ноември 2019.
- ↑ „Претседателски избори 2019“. Посетено на 6 ноември 2019.
Надворешни врски[уреди | уреди извор]
Татарли на Ризницата ?- Сателитска снимка од Татарли на Гугл Карти
| ||||||||||||
