Честево

Од Википедија — слободната енциклопедија
Честево

Честево во 1931 г.

Честево во рамките на Македонија
Честево
Местоположба на Честево во Македонија
Честево на карта

Карта

Координати 41°17′39″N 22°34′23″E / 41.29417° СГШ; 22.57306° ИГД / 41.29417; 22.57306Координати: 41°17′39″N 22°34′23″E / 41.29417° СГШ; 22.57306° ИГД / 41.29417; 22.57306
Општина Валандово
Население 0 жит.
(поп. 2021)[1]

Шифра на КО 04022
Надм. вис. 108 м
Честево на општинската карта

Атарот на Честево во рамките на општината
Честево на Ризницата

Честево или Честово — село во Општина Валандово, сместено во областа Бојмија.

Географија[уреди | уреди извор]

Селото се наоѓа на околу 2 км јужно од Валандово, на левиот брег на Анска Река.

Историја[уреди | уреди извор]

Во XIX век Честево било мешано македонско-турско село во Дојранската каза. Во „Етнографија на вилаетите Адријанопол, Монастир и Салоника“ во 1873 г. Тестово (Testovo) имало 90 домаќинства, од кои 26 муслимани и 237 Македонци.[2][3]

Според статистиката на Васил К’нчов („Македонија. Етнографија и статистика“) во 1900 г. Честево имало 309 жители, од кои 230 Македонци христијани,[2] 65 Турци и 14 Роми.[4]

Според податоците на егзархискиот секретар Димитар Мишев („La Macédoine et sa Population Chrétienne“) во 1905 г. во Честово (Tchestovo) имало 23 Роми,[5] што значи дека македонското население, кое било огромно мнозинство, го напуштило селото во текот на претходните пет години.

Според Димитар Гаџанов во 1916 г. во Чештово (Чещово) живееле 60 Роми муслимани.[6]

Според германска карта издадена во 1941 година, а заснована на пописот на Кралството Југославија од 1931 година, селото имало 25 до 50 Македонци.[7]

Честево било наполно напуштено во 1961 г. кога последните 12 жители (сите Турци) заминале во Турција,[8] но денес го задржало статусот на село.

Население[уреди | уреди извор]

Население во минатото
ГодинаНас.±%
194848—    
195355+14.6%
196112−78.2%
19710−100.0%
198100.00%
ГодинаНас.±%
199100.00%
199400.00%
200200.00%
202100.00%

Во табелата во продолжение е направен преглед на населението во сите пописни години:

Година 1900 1905 1948 1953 1961 1971 1981 1991 1994 2002 2021
Население 309 23 48 55 12 0 0 0 0 0 0
Извор за 1900 г.: Македонија. Етнографија и статистика.[9]; за 1905 г.: La Macédoine et sa Population Chrétienne.[10]; за 1948-2002 г.: Државен завод за статистика на РМ.[11]; за 2021 г.: Државен завод за статистика на РМ.[12]


Самоуправа и политика[уреди | уреди извор]

Избирачко место[уреди | уреди извор]

Селото е опфатено во избирачкото место бр. 283 според Државната изборна комисија, сместени во просториите на културен центар "25 мај" на град Валандово.[13]

На претседателските избори во 2019 година, на ова избирачко место биле запишани вкупно 581 гласач.[14]

Поврзано[уреди | уреди извор]

Наводи[уреди | уреди извор]

  1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
  2. 2,0 2,1 Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.
  3. „Македония и Одринско. Статистика на населението от 1873 г.“ Македонски научен институт, София, 1995, стр.192-193.
  4. Кънчов, Васил. „Македония. Етнография и статистика“. София, 1900, стр. 162.
  5. Brancoff, D.M. „La Macédoine et sa Population Chrétienne“. Paris, 1905, pp. 100-101.
  6. Гаджанов, Димитър Г. Мюсюлманското население в Новоосвободените земи, во: Научна експедиция в Македония и Поморавието 1916, Военноиздателски комплекс „Св. Георги Победоносец“, Университетско издателство „Св. Климент Охридски“, София, 1993, стр. 246.
  7. „200K Volkstumskarte Jugoslawien“.
  8. Панов, Митко (1998). Енциклопедија на селата во Република Македонија: географски, демографски, и аграрни обележја (I. изд.). Скопје: Патрија. стр. 318. ISBN 9989-862-00-1.
  9. К’нчов, Васил. „Македонија. Етнографија и статистика“. Софија, 1900
  10. Brancoff, D.M. „La Macédoine et sa Population Chrétienne“. Paris, 1905.
  11. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
  12. „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
  13. „Описи на ИМ“. Архивирано од изворникот на 2023-08-17. Посетено на 6 ноември 2019.
  14. „Претседателски избори 2019“. Посетено на 6 ноември 2019.