Лауенау

Лауенау
Поглед на Лауенау Поглед на Лауенау
Лауенау
Управа
Земја	Германија
Покраина	Долна Саксонија
Округ	Шаумбург
Општ. заед.	Роденберг
Месни единици	4
Градоначалник	Вилфрид Мунт (СДП)
Основни податоци
Површина	16,23 км2
Надм. височина	135 м
Население	4.367 (31 декември 2022)
- Густина	269 жит/км2
Други информации
Часовен појас	CET/CEST (UTC+1/+2)
Рег. табл.	SHG
Пошт. бр.	31867
Повик. бр.	05043
Местоположба на Лауенау во рамките на округот Шаумбург
Карта
Координати	52°16′0″N 9°22′0″E

Лауенау (германски: Lauenau) — општина во округот Шаумбург, во сојузната покраина Долна Саксонија, Германија.

Се наоѓа во близина на автопатот А2 на подножјето на ридскиот масив Дајстер во долината Дајстер-Зинтел.

Општината поседува пазарно право и со тоа има некои одлики на град, но официјално не ги добила градските права. Сепак, означена е како „флекен“ (Flecken), мала населба со локално значење.

Географија

Местоположба

Општината се наоѓа во долината Дајстер-Зинтел, југозападно од покраинскиот главен град Хановер. Реката Везер и Средногерманскиот Канал поминуваат во близина. Со сојузниот автопат Б442 и автопатот А2, општината има добри врски кон Хамелн и Хановер. Роденбергер Ауе и Миленбах течат низ местото.

Општински единици

Општината е поделена на самиот град Лауенау и Фегендорф.

Историја

• Лауенау првпат е запишан во 1059 година.
• Околу 1200 година бил изграден замокот Лауенау од војводата Хајнрих Лавот како упориште против шаумбуршките грофови.
• Во 1536 година, Лауенау добил право да организира три годишни пазари од грофот на Шаумбург, кому му припаѓал, како и право да произведува пиво и да има суд за мали случаи. По исчезнувањето на линијата на шаумбуршките грофови во 1640 година, Грофовијата Шаумбург била поделена и Лауенау станало дел од Војводството Брауншвајг-Линебург, кое подоцна припаднало на Кралството Хановер и тогашната пруска покраина Хановер.
• Во 1682 година, местото скоро целосно било уништено од пожар.
• При Седумгодишната војна, местото било окупирано од Французите.
• До неодамна, градот бил средиште на индустријата за мебел во Долна Саксонија. Денес, општината расте поради близината на автопатот и на Хановер.

Замоци

Лауенау има три замоци:

• Замокот на Хајнрих Лавот од XII век бил уништен во 1519 година, при борбата за манастирите, од шаумбуршкиот командант Лудолф фон Минхаузен. Бил обновен во периодот 1565-1572, со ендек, во везерска ренесанса. Денес е поседуван од физички лица.
• Замокот Мајзенбуг бил изграден во 1499 година како воена тврдина. Грофот Антониус фон Холштајн-Шаумбург го доделил замокот на Вулферд фон Церсен како имот. Во 1828 година, бил пренесен на Карл Георг Филип Ривалје фон Мајзенбуг.
• Замок Шведесдорф, изграден од Минхаузен помеѓу 1596 и 1600 година.

Други градби

Покрај замоците, постои и црквата „Св. Лука“ од XIX век, која се смета за ремек-дело на архитектот Конрад Вилхелм Хазе, минерална бања и приватна мала пиварница, основана од 1861 година од Себастијан Руп.

Галерија

• 
  Замокот Лауенау
• 
  Замокот Шведесдорф
• 
  Црквата „Св. Лука“
• 
  Градската гостилница од 1825 година

Надворешни врски

• Официјална страница на општинската заедница (германски)