Географија на Казахстан

Од Википедија — слободната енциклопедија
Прејди на прегледникот Прејди на пребарувањето
Карта на Казахстан

Казахстан е држава во Централна Азија и Источна Европа. Се наоѓа во центарот на континентот Евроазија и е деветта држава по големина во светот со 2.724,9 км2. На исток, север и северозапад се граничи со Русија, на југ со Узбекистан, Киргистан и Туркменистан, а на југоисток се граничи со Кина.

Границата на Казахстан започнува од запад со Каспиското езеро, потоа со Приволшката степа, продолжувајќи на север до јужните падини на планината Урал, понатаму на исток се протега и Западносибирската Низина до Алтај. На исток, границата поминува низ Тарбагатај и Џунгарија, на југ по планините Тјеншан и Туранската Низина сè до Каспиското езеро.

Вкупните граници на Казахстан заземаат 12,187 километри. Државата има брегови на Каспиското езеро и Аралското езеро. Алмати е најголемиот град во државата со oколу 1 185 900 жители, додека Астана е главен град.

Релјеф[уреди | уреди извор]

Релјефот на Казахстан е разновиден. 58% од територијата на државата сочинуваат пустини и полупустини, 10% планини. На северот на државата превладуваат степи и лесостепи. 23% од територијата на државата е погодна за земјоделие, 70% за живинарство.

На северозапад се наоѓа Предуралското блато. На запад лежи Прикасписката низина. На југозапад се наоѓа полуостровот Манѓишлак. На исток се наоѓа Устјорт. На североисток од Касписката низина се наоѓа врвот Мугоџари, понатаму се наоѓа и Тургајското блато. Околу Аралското езеро се наоѓа пустината Кузилкум и песочните масиви Голема Барсука, Мала Барсука и Приаралски Каракум.

Население[уреди | уреди извор]

Според пописот, вкупното население во Казахстан е oколу 16.402.861 жители. Густината на населеноста е 5,4/km2 жители на квадратен километар.

Клима[уреди | уреди извор]

Климата во Казахстан е континентална. Средните јануарски температури се движат од -25ºС (на север и во централен Казахстан) до -3ºС (најуг); средните јулски температури соодветно од 19 до 30ºС. Врнежите во државата се просечно до 300 мм, во пустините под 100 мм, а на планините до 1 600 мм.