Палау

Република Палау Beluu er a Belau
Знаме Грб
Химна: Belau loba klisiich er a kelulul
Главен град		Мелекеок1 7°21′N 134°28′E
Најголем град		Корор
Службен јазик		Англиски, палуански
Признаени регионални јазици		Јапонски, ангаурски (во Ангаур), сонсоролешки (во Сонсорал), тобиски (во Хатохобеј), каролински, филипински, кинески
Демоним		Палауец
Уредување		Демократска претседателска република во слободна асоцијација со САД.
-	Претседател	Томи Ременгесау
-	Потпретседател	Елајас Камсек Чин
Независност		од поверена територија на ООН
-	Датум	1 октомври, 1994
Површина
-	Вкупна	459 km2 (195та) 177 sq mi
-	Вода (%)	занемарливо
Население
-	проценка за јули 2007	20.842 (217та)
-	Густина	43/km2 (155та) 111/sq mi
БДП (ПКМ)		проценка за 2006
-	Вкупен	$157,7 милиони² (нерангирана)
-	По жител	$10.000 (2006 проц.)  (нерангирана)
ИЧР (2003)		непознат (нерангирана)
Валута		Американски долар (USD)
Часовен појас		(UTC+9)
НИД		.pw
Повик. бр.		680
1 На 7 октомври 2006, канцелариите на владините претставници биле преместени од поранешниот главен град Корор во Мелекеок, лоциран 20 km (12 mi) на североисток од Корор на островот Бабелтхауп. ² Проценките за БДП ги вклучуваат субвенциите и дотациите на САД (2004 проц.)

Палау, официјално Република Палау (палауански: Beluu er a Belau), е островска држава во Тихиот Океан, на 800 километри (500 mi) оддалеченост источно од Филипините 3200 километри (2000 mi) на југ од Токио. Произлегувајќи од старателите на Обединетите Нации (администриран од САД) во 1994, таа е една од најмладите и најмалите држави во светот. Во 1989 Палау била рангирана и категоризирана од CEDAM International број 1 подводно чудо на светот од седумте подводни чуда. Понекогаш се нарекува и според своето изворно име Белау.

Историја

Првите доселеници Палуанци дошле од Австралија, Полинезија и Азија. Според генетската анализа на Палуанците, тие имаат две потекла австралиско-папуанско и азиско потекло.

Во Европа и Австралија Палау е подобро познат по името „Црни Острови“

Според археолошките истражувања Палау е државата со најстари откиени гробови во Океанија и според ова се дебатира дали Палау бил населен во 2500 или 1000 година п.н.е.

Меѓу првите европјеци кои стапнале на палуанско тло се верува дека е шпанскиот морепловец Руј Лопез де Вилалобос, но сепак нема цврсти докази за тоа.

Палау имал слаба комуникација со околните острови, и воглавно комуникацијата се одвивала со Јава и Јап. Во 1783 година на островите стапнал и англискиот капетан Хенри Вилсон.

Како и Маријанските Острови, Каролинските Острови и Маршалските Острови, Палау бил дел од Шпанските Источни Инди и бил раководен од Шпанските Филипини сè до шпанско-американската војна во 1898.

Во 1885 година Германија ги окупирала островите и после шпанско-американската војна, Шпанија ги продала островите на Германија во 1899 со германско-шпанскиот договор.

По купувањето на островите, Германија започнала економска трансформација на Микронезија. Гермнаците започнале со ископување на рудното богатство и останатите природни ресурси.

Палау била интересна стратешка позиција на јапонските и американските воени сили. После Втората светска војна, ООН ги доделила островите на Палау под заштита на САД како дел од Федералните Држави на Микронезија, но Палуанците го одбиле тоа на гласање. Подоцна Палау гласал за осамостојување.

Географија и клима

Карта на Палау.

Најнаселени острови на Палау се Ангаур, Бабелдаоб, Корор и Пелелиу. Околу две-третини од населението на Палау живее на островот Корор. Карпестите Острови кои се наоѓаат јужно од останатите поголеми острови се ненаселени.

Палау има тропска клима со просчна температура од 27 °C. Дождови има преку целата година и најчесто има дождови од јули до октомври. Тајфуните се ретко присутни на островите.

Политички систем

Политиките на Палау се одвиваат во рамките на претседателска република, каде претседателот на Палау е на чело на државата и на владата. Извршната власт во Палау е во рацете на владата, додека законодавната власт е во рацете на владата и Националниот конгрес на Палау. Судската власт во Палау е независна.

Палау е независна држава и поради тоа самата ги остварува и одржува надворешните односи. Од независноста, Палау има остварено повеќе дипломатски односи, меѓу кои се голем дел од океанските држави. Во ООН е примена на 15 декември 1994.

Административна поделба

Шестанесетте држави на Палау.

Палау е поделен на 16 држави кои до 1984 година се нарекувале општини.

Држава	Површина	Попис од 2005
Аимелик	52	270
Аираи	44	2,723
Ангаур	8	320
Хатохбеи	3	44
Кајангел	3	188
Корор	18	12,676
Мелекеок	28	391
Нгарард	36	581
Нгарчелонг	10	488
Нгардмау	47	166
Нгаремленгуи	65	317
Нгатпанг	47	464
Нгчесар	41	254
Нгивал	26	223
Пелелиу	13	702
Сонсорол	4	100

Економија

Економијата на Палау воглавно се базира на туризам, земјоделство и риболов. Туристите се најчесто заинтересирани за нуркање. Владата на Палау е главниот работодавач во земјата која пак се базира на приходите од туризам и финансиска помош од САД. Населението има примања повисоки од околните држави.

Население, јазик и религија

Палау има население од околу 21.000 жители од кои 70% се Палуанци. Филипинците се најголемо малцинство во државата.

Три четвртини од населението се христијани, воглавно католици и протестанти, додека останатиот дел се припадници на локални религии помешани со христијански елементи. Според пописот во 2005 година, 49.4% се католици, 21.3% се протестанти, 8.7% се модекнгеи и 5.3% се припадници на Црквата на адвентисти на седмиот ден.

Официјални јазици на Палау се палуански јазик и англиски јазик, освен во две палуански држави, Сонсорол и Хатохобеи, каде локален јазик заедно со палуански е официјален. Тагалог не е офицјален јазик но е четврт најголем јазик на Палау.

Култура во Палау

Во Корор има неколку библиотеки, вклучувајќи ја и јавната библиотека со фонд од 17.000 книги. Националниот музеј е основан во 1973 година и се наоѓа во Корор.

Видете исто така

• Корор
• Мелекеок
• Палуански јазик
• Полинезија
• Океанија

Надворешни врски

• Официјално веб-место на Република Палау
• Национален конгрес на Палау - Olbiil Era Kelulau, Сенат
• Најдобрите 10 хотели на Палау