Океанија

Океанија

Демоним	Океанец
Површина	9.037.695 km² (3,489,474 sq mi)
Население	38.894.851
Држави	15 Австралија Фиџи Индонезија Кирибати Маршалови Острови Микронезија Науру Нов Зеланд Палау Папуа Нова Гвинеја Самоа Соломонови Острови Тонга Тувалу Вануату
Зависни територии	20 Американски Самоа Ашмор и Картиер Острови Остров Бејкер Кукови Острови Коралски Острови Француска Полинезија Гуам Хаваи Холандски Остров Остров Џарвис Џонстон Атол Кингман Мидвејски Острови Нова Каледонија Ниуе Остров Норфолк Северни Маријански Острови Питкернски Острови Токелау Валис и Футуна Остров Вејк
Јазици	28 официјални Официјални јазици: бислама каролински чаморо кукски маорски англиски фиџиски француски футунански кирибатски хавајски хинди хири моту индонезиски маорски маршалски науруски ниуески палауски питкернски ротумански самоански шпански тахитски токелауски тонгански ток писин тувалуски валиски и многи неофицијални
Временски зони	UTC+8 (Австралиско западно стандардно време) до UTC-6 (Велигденски Остров) (западно кон источно)
Најголеми градови	Сиднеј Мелбурн Бризбејн Перт Окленд

Океанија или понекогаш Океаника^[1] е географски регион кој се состои воглавно од острови во Тихиот Океан заедно со континентот Австралија. Поимот „Океанија“ прв пат е употребен во 1831 г, а денес овој поим се користи за да се означи регионот во океанскиот дел со островите, но и Австралија.^[2]^[3]^[4]

Границите на Океанија се означени на неколку начини. Поголем број од дефинициите за границите ги вклучуваат Австралија, Нов Зеланд, Нова Гвинеја и делови од Малајскиот Архипелаг^[5]^[6]^[7] Етнолошки, островите во Океанија се поделени на Меланезија, Микронезија и Полинезија.^[8]

Океанија е заедничко име за неколку групи острови во Тихиот Океан. Тие се:

Содржина

1 Меланезија
2 Микронезија
3 Полинезија
4 Новозеландски острови
5 Опсег
6 Држави и региони
- 6.1 Региони
- 6.2 Држави и територии
7 Наводи
8 Видете исто така
9 Надворешни врски

Меланезија [уреди]

Меланезија ги опфаќа островите што се наоѓаат североисточно од Австралија. Во оваа група најголеми се островите Нова Гвинеја (претежно планински, достигнува близу 5 000 м. Поделен на Индонезија и Папуа Нова Гвинеја, Нова Британија, Нова Каледонија, Саломоновите Острови, Вануату и други.

Микронезија [уреди]

Микронезија зафаќа група мали острови што се наоѓаат североисточно од Меланезија. Во овој дел покарактеристични се Маријанските, Маршалските, Каролинските и Кирибати (Гилбертовите Острови). Голем број од нив се корални острови.

Полинезија [уреди]

Полинезија опфаќа голем број острови и островски групи во Тихиот Океан. Во Полинезија најпознати се Хавајските Острови, Божиќниот Остров, Куковите Острови и островите Туамоту и други.

Новозеландски острови [уреди]

Нов Зеланд е посебна група острови. Најголеми се Северниот и Јужниот Остров, кои претежно се планински. На Јужниот Остров највисокиот врв на Куковата Планина достигнува 3764 м. Островите имаат вулканска активност, гејзери и врели минерални води. Оваа група припаѓа на државата Нов Зеланд.

Бидејќи повеќето од сотровите се наоѓаат во екваторскиот и на тропскиот појас, климата е претежно тропска. Температурите се релативно високи и има голема влажност. Реките се куси и полноводни. Има развиена бујна тропска вегетација. Островите се одликуваат со многу песочни плажи. Нов Зеланд се одликува со суптропска клима на Северниот и со умерена клима на Јужниот Гребен. Најнаселени се островите Нова Гвинеја и Нов Зеланд. Стопански најразвиен е Нов Зеланд. Тој се смета за високоразвиена индустриско-аграрна земја, со развиени тешка и лесна индустрија и високомеханизирано земјоделско произвосдство.

Опсег [уреди]

Традиционално, Океанија е поделена на три големи географски региони: Микронезија, Меланезија и Полинезија. Сепак, постојат и понови предлози за поделба на регионот како на пример Блиска Океанија и Далечна Океанија.^[9]

Голем дел од Океанија се состои од острови и атоли со мала населеност за разлика од останатите делови од светот. Австралија е единствената континентална држава. Ако се смета Австралија и Нов Зеланд, тогаш најголем врв е Пункак Џаја во Папуа со 4884 метри, додека најниска точка е езерото Ејре со 16 метри под нивото на морето.

Држави и региони [уреди]

Описот за државите и регионите на Океанија варираат од извор до извор. Следната табела вклучува држави и региони според описот на ООН.^[7]

Региони [уреди]

Држави и територии [уреди]

Карта на регионите во Океанија.

Политичка карта на Океанија.

Членки на Форумот на Пацифички Острови.

Карта на колониите во Океанија во 1939 година.

Име на регион, следено со држави и нивните знамиња	Површина (km²)	Население (1 јули 2002)	Густина на население (на km²)	Главен град
Австралија
Австралија	7,686,850	21,050,000	2.5	Канбера
Божиќен Остров (Австралија)	135	1,493	3.5	Флаинг Фиш Коув
Кокосови Острови (Австралија)	14	632	45.1	Вест Ајленд
Нов Зеланд	268,680	4,108,037	14.5	Велингтон
Норфолшки Остров (Австралија)	35	1,866	53.3	Кингстон
Меланезија
Фиџи	18,270	856,346	46.9	Сува
Индонезија (Океанскиот дел)	499,852	4,211,532	8.4	Џакарта
Нова Каледонија (Франција)	19,060	207,858	10.9	Нумеја
Папуа Нова Гвинеја	462,840	5,172,033	11.2	Порт Морзби
Соломони	28,450	494,786	17.4	Хонијара
Вануату	12,200	196,178	16.1	Порт Вила
Микронезија
Микронезија	702	135,869	193.5	Паликир
Гуам (САД)	549	160,796	292.9	Хагата
Кирибати	811	96,335	118.8	Јужна Тарава
Маршалски Острови	181	73,630	406.8	Маџуро
Науру	21	12,329	587.1	Јарен (де факто)
Северни Маријански Острови (САД)	477	77,311	162.1	Сајпан
Палау	458	19,409	42.4	Мелекеок
Полинезија
Американска Самоа (САД)	199	68,688	345.2	Паго Паго
Кукови Острови (Нов Зеланд)	240	20,811	86.7	Аваруа
Француска Полинезија (Франција)	4,167	257,847	61.9	Папете
Ниуе (Н.З.)	260	2,134	8.2	Алофи
Питкерн (Обединетото Кралство)	5	47	10	Адамстаун
Самоа	2,944	178,631	60.7	Апија
Токелау (Н.З.)	10	1,431	143.1	—
Тонга	748	106,137	141.9	Нукуалофа
Тувалу	26	11,146	428.7	Фунафути
Валис и Футуна (Франција)	274	15.585	56.9	Мата-Уту
Вкупно	9.008.458	35.834.670	4.0
Вкупно без континент Австралија	1.321.608	14.784.670	11.2