Фунафути

Од Википедија, слободната енциклопедија
Прејди на: содржини, барај
Фунафути
Funafuti
—  атол  —
Училиште во Фунафути
Училиште во Фунафути
Поглед кон атолот Фунафути
Фунафути се наоѓа во Тувалу
Фунафути
Местоположба во Тувалу.
Координати: 8°31′ ЈГШ 179°13′ ИГД / 
Држава  Тувалу
Површина
 • Вкупна 2,4 км2
Население (2002)
 • Вкупно 4.492 жит.

Фунафути (тувалуански: Funafuti) е атол во Тувалу кој служи како главен град на државата. Фунафути е исто така еден од деветте окрузи во Тувалу. Фунафути, според пописот од 2002 година, имал население од 4,492 жители, што е најнаселен атол во земјата. Атолот е широк од 20 до 400 метри и во средината се наоѓа лагуна која има 188 километри должина, 14 километри широчина и има површина од 275 километри квадратни, што ја прави најголема лагуна во Тувалу. Вкупната површина на копното на Фунафути изнесува 2.4 km², што е помалку од еден процент од вкупната површина на земјата. На Фунафути има писта, хотел и административни згради, како и станбени објекти изградени на традицинален начин од палма или од цимент. Најистакнат објект на островот е Црквата во Тувалу.

Атолот е составен од неколку помали островчиња. Најголемо островче е Фонгафале, каде се наоѓаат четири села вклучувајќи го и Ваијаку кој е седиште на владата. На Фунафути има две основни училишта и едно средно училиште. Бидејќи Тувалу нема градови, целиот атол официјално се смета за главен град, но некогаш како главен град се смета Фонгафале или Ваијаку.

Села[уреди]

Централно Фонгафале
  • Факајфоу - 1007 жители
  • Сенала - 589 жители
  • Алапи - 1024 жители
  • Вајаку - 516 жители
Остатокот од Фонгафале

Остатокот од Фонгафале со полуостровот Тенгако на север имаат:

  • Лофеагај - 399 жители
  • Теоне - 540 жители
  • Текаватоетое- 343 жители
Фунафала
  • Фунафала - 22 жители
Аматуку
  • Аматуку - 52 жители

Лагуна[уреди]

Лагуната или на тувалуански позната како TeNamo е најголемата лагуна во Тувалу. Таа има 24.5 километгри должина, 17 километри ширина и површина од 275 километри квадратни. Најдлабоката измерена точка е 52 метри, но има карпи кои можат да се достигнат на 6 метри длабочина.[1]

Островчиња[уреди]

Фунафути е составен од најмалку 33 островчиња. Најголем од сите е Фонгафале, кој е проследен од Фунафала. Најмалку три острови се населени, односно Фонгафале, Фунафала и Аматуку.

Поврзано[уреди]

Наводи[уреди]

Надворешни врски[уреди]