Екватор

Знак во Кенија поставен точно на екваторот

Екваторот е замислена линија која ја дели планетата на северна и јужна полутопка. Географската ширина на екваторот по дефиниција е 0°. Должината на земјиниот екватор изнесува 40075 km. Земјината топка не претставува идеална сфера и е всушност најиспупчена кај екваторот каде што нејзиниот просечен радиус од 6375 km е зголемен за приближно 22 km.

Екваторска клима

Температурата околу екваторот е секогаш висока бидејќи ова место е најблизу до Сонцето. Не постојат четири годишни времиња во околината на оваа географска ширина. Климата е тропска, што значи постојат само две годишни времиња, обично разликувајќи се по големи врнежи или суши. Зависно од надморска висина или близина до океанот, овие два фактори може да варираат.

Екваторски држави

Екваторот поминува низ територијата на 13 држави. Мора да се спомени дека иако е така наречена, Екваторијална Гвинеја не спаѓа во оваа група на држави:

• Бразил
• Габон
• ДР Конго
• Еквадор
• Индонезија
• Кенија
• Кирибати
• Колумбија
• Малдиви
• Република Конго
• Сао Томе и Принсипе
• Сомалија
• Уганда