Суматра
| Суматра Sumatеra |
|
|---|---|
 Топографија на Суматра |
|
| Географија | |
 |
|
| Локација | Југоисточна Азија |
| Координати | |
| Архипелаг | Големи Сундски Острови |
| Површина | 470.000 km² |
| Највисока точка | Керинчи 3.805 m |
| Администрација | |
 Индонезија |
|
| Провинции | Ачех, Бенгкулу, Џамби, Лампунг, Риау, Западна Суматра, Јужна Суматра, Северна Суматра |
| Најголем град | Медан (2.392.922 (2003)) |
| Демографија | |
| Население | 45 милиони (2005) |
| Густина | 96/km² |
| Народи | Ачеси, Батаци, Минангкабау, Малајци |
Суматра (индонезиски: Sumatera) е индонезиаки остров, еден од Големите Сундски Острови. Со површина од 470.000 km² Суматра е шести остров по големина во светот. Има 40 милиони жители кои зборуваат на 52 различни јазици. Највеќе имаат малајско потекло. Околу 80% од населението се муслимани, а 18% христијани.
Островот се простира 1.700 километри во правец северозапад-југоисток и широк е до 370 километри. Екваторот поминува низ средината на островот. Планината Керинчи е највисокиот врв на Суматра (3.805 метри). Суматра е позната по интензивната вулканска активност, поради што земјата е многу плодна, а пејзажите се спектакуларни. Источна половина на островот е рамничарска. Околу 40 километри од јужниот брег на Суматра, од другата страна на Сундскиот Проток, се наоѓа островот Јава. Борнео е одалечен 600 километри, додека Малајскиот Полуостров на североисток е одвоен со Малачкиот Проток. На околу 200-1000 километри северозападно од Суматра лежат групата на острови Андамани и Никобари.
Цунами со височина од 15 метри, произлезени од земјотрес со јачина од 9 степени според рихтеровата скали, го погодил островот на 26 декември 2004. Западниот брег, особено провинцијата Ачех била катастрофално погодена и разрушена. Имало повеќе од 200.000 мртви.
На Суматра се наоѓаат значајни извори на нафта. Се експлотира јаглен, злато, боксит и цинк. Од земјоделските производи значајни се каучукот, биберот, кафето, палминото масло и тутунот.
Природа [уреди]
На Суматра живеат 201 вид на цицачи и 580 видови на птици. На островот има 9 ендемски видови на цицачи и уште 14 на околните острови. Од тие видови највеќе се истакнуваат: суматрански тигар, суматрански орангутан, суматрански носорог, суматрански слон, малајски тапир, овошен лилјак и други. Има и 17 ендемски растителни видови (најголемиот цвет на светот: Rafflesia arnoldii).
На островот постојат 10 национални паркови од кои три припаѓаат на листата на Светското културно наследство.
Провинции [уреди]
Суматра е поделена на 10 провинции, од кои само Ачех имна статус на посебен регион.
- Ачех (северозапад), главен град Банда Ачех
- Банка Белитунг (2 острова во близина на Борнео), Пангкалпинанг
- Бенгкулу (јужен брег), Бенгкулу
- Џамби (центар-исток), Џамби
- Лампунг (југоисток), Бандар Лампунг
- Риау Кепулауан (Риау Острови), Танџунгпинанг
- Риау (центар), Пеканбару
- Суматера Барат (средина на западниот брег), Паданг
- Суматера Суматан (југоисток), Палембанг
- Суматера Утара (северозапад), Медан
Надворешни врски [уреди]
 |
Заедничката Ризница има податотеки поврзани со: „Суматра“ |
- Sumatra на Wikitravel (англиски) (англиски)
- Вилијам Марсден, „Историја на Суматра“, (1783); 3-то изд. (1811) on line.
