Евроазија

Од Википедија, слободна енциклопедија

Евроазија

Евроазија е најголемото едноделно тло на Земјата, со површина од 54,000,000 km² споредено со Америка (околу 42,000,000 km²), Африка (околу 30,000,000 km²), Антарктикот (околу 13,000,000 km²) и Океанија (9,000,000 km²). Во неа спаѓаат два континента—Европа и Азија. Населението брои некаде 4,611,307,438—повеќе од 70% од вкупното светско население.

[уреди] Историја и култура

Патот на свилата ја симболизира трговската и културна размена кои ги поврзувале евроазиските цивилизации низ историјата, и таа е сѐ поактуелна тема. Во последно време развиена е и идејата за поширока евроазиска историја која се занимава со генетските, културни и лингвистички врски помеѓу старите европски и азиски култури. Овие речиси одсекогаш се сметале за засебни.

За прв пат Евроазија ја обиколил Адолф Ерик Норденскјелд во 1878-79.

[уреди] Геологија

Главна статија: Лавразија.

Евроазија се формирала пред 375 - 325 милиони години. Тоа се случило кога се споиле Сибир (порано засебен континент), Казахстанија и Балтика (која била поврзана со Лаврентија (денес Северна Америка) добивајќи ја Евроамерика). Кинеските кратони се судриле со јужното крајбрежје на Сибир.