Википедија:Велоекспедиции 2019

„Велоекспедиции“

Во текот на 2019 година била организирана третата посебна експедиција во една област, Скопско, односно во селата на падините на Скопска Црна Гора, во областа Црногорија.

Воедно, во текот на 2019 година биле спроведени низа збирни посети на различни места во Македонија.

Прва велоекспедиција

Скопско

На 12 октомври 2019 година (сабота), корисниците Ehrlich91 и Македонец се упатиле кон селата во областа Црногорија, каде што била спроведена третата организирана посебна велоекспедиција.

Експедицијата започнала во утринските часови и првото село за посета било Орман, кое не е дел од наведената област, но учесниците поминувале низ него. Во селото биле посетени двете цркви, главната селска црква од каде била пружена и можност за панорамска фотографија на селото и манастирската црква пред селото, како и познатата мотокрос патека во селото.

Потоа учесниците ја преминале реката Лепенец и се упатиле во првото село од областа Црногорија, а тоа се денешните споени села Бразда и Глуво. Бидејќи селото Бразда веќе имаше доста фотографии од самото село и од селската црква, како и познатата Бражданска гробница, учесниците направиле само неколку фотографии и продолжиле кон селото Глуво, каде ги посетиле двете цркви, обновената црква „Св. Атанасиј“ на ридот западно од селото и старата црква „Св. Никола“ во самото село.

Потоа, продолжиле кон некогашното село Чучер, кое по Втората светска војна и новосоздадената населба Сандево веднаш под него, го добило името Чучер-Сандево, каде биле фотографирани споменикот и спомен-куќата на народниот херој Александар Урдаревски, како и средновековната црква „Св. Троица“. Од таму продолжиле кон средновековниот манастир „Св. Никита“, кој иако нарекуван бањански, претставува дел од селото Горњане. Иако на дофат на Скопје, манастирот и манастирската црква не располагале со голем број фотографии и немало статии за нив на самата Википедија. Од манастирот имало можност за убава панорамска фотографија на селото Горњане. Од него, учесниците продолжиле по асфалтот нагоре за да го фотографираат и селото Блаце.

По спустот, се упатиле кон селото Бањане, каде ја фотографирале црквата „Св. Ѓорѓи“, која содржи интересен фрескоживопис, но за жал истата била заклучена и била фотографирана само нејзината надворешност. Во селото Бањане останале за фотографирање црквите во планинскиот дел на атарот, а учесниците продолжиле кон селото Кучевиште. Најпрвин го посетиле Кучевишкиот манастир, а од таму по земјен пат се упатиле кон црквата „Св. Спас“ (или службено позната како „Воведение на Пресвета Богородица“).

По Кучевиште, продолжиле кон споеното село Побожје, каде исто така бил посетен манастирот, како и двете селски цркви, но и селското училиште.

Како последно село било Љубанци, каде биле посетени дури четири селски цркви, почнувајќи со црквата „Св. Јован“, која добила и свои конаци и голема камбанарија, потоа гробјанската црква „Св. Богородица“, и двете цркви посветени на Свети Никола, манастирската над селото и селската во самото село.

Исход

На крајот, експедицијата ја завршивме со посетени и фотографирани 11 села, заедно со бројни цркви и други културни и природни знаменитости.

Статии

Број	Статија	Предмет на Википодатоци	Забелешки
1.	Орман — село	Q15977297	значително подобрена статија
2.	Црква „Вознесение Христово“ - Орман — црква	Q24238152	значително подобрена статија
3.	Црква „Св. 40 маченици“ - Орман — црква	Q24238153	значително подобрена статија
4.	Ормански манастир — манастир	Q83492903	нова статија
5.	Бањане — село	Q2883573	значително подобрена статија
6.	Црква „Св. Ѓорѓи“ - Бањане — црква	Q19799494	нова статија
7.	Културно наследство на Македонија во Општина Чучер-Сандево — културно наследство	Q85997164	нова статија
8.	Блаце — село	Q1432124	значително подобрена статија
9.	Бразда — село	Q1432124	значително подобрена статија
10.	Глуво — село	Q521879	значително подобрена статија
11.	Црква „Св. Никола“ - Глуво — црква	Q20499081	нова статија
12.	Црква „Св. Атанасиј“ - Глуво — црква	Q84168122	нова статија
13.	Горњане — село	Q1735326	значително подобрена статија
14.	Црква „Св. Никита“ - Горњане — црква	Q19698447	нова статија
15.	Горњански манастир — манастир	Q83880242	нова статија
16.	Кучевиште — село	Q1528332	значително подобрена статија
17.	Црква „Св. Архангели Михаил и Гаврил“ - Кучевиште — црква	Q20499946	нова статија
18.	Кучевишки манастир — манастир	Q12284432	нова статија
19.	Црква „Воведение на Пресвета Богородица“ - Кучевиште — црква	Q12293248	нова статија
20.	Мирковци — село	Q3089317	значително подобрена статија
21.	Црква „Св. Никола“ - Мирковци — црква	Q86084247	нова статија
22.	Црква „Св. Петка“ - Мирковци — црква	Q86083268	нова статија
23.	Црква „Св. Меркуриј“ - Мирковци — црква	Q86081165	нова статија
24.	Чучер-Сандево — село	Q341735	значително подобрена статија
25.	Црква „Св. Троица“ - Чучер-Сандево — црква	Q20499612	нова статија
26.	Споменик на Александар Урдаревски - Станко — споменик	Q84082410	нова статија
27.	Куќа на Александар Урдаревски-Станко — спомен-куќа	Q84082464	нова статија
28.	Општина Чучер-Сандево — општина	Q629720	подобрена статија
29.	Лепенец — река	Q674219	подобрена статија
30.	Побожје — село	Q3090941	значително подобрена статија
31.	ПУ „Кирил и Методиј“ - Побожје — основно училиште	Q86458170	нова статија
32.	Црква „Св. Петка“ - Побожје — црква	Q20499372	нова статија
33.	Црква „Св. Димитриј“ - Побожје — црква	Q86459886	нова статија
34.	Црква „Рождество на Пресвета Богородица“ - Побожје — црква	Q86601829	нова статија
35.	Побошки манастир — манастир	Q20499563	нова статија
36.	Љубанци — село	Q3071257	значително подобрена статија
37.	Културно наследство на Македонија во Општина Бутел — културно наследство	Q86921279	нова статија
38.	Црква „Св. Никола“ - Љубанци (манастирска) — црква	Q86924032	нова статија
39.	Љубански манастир — манастир	Q19796627	значително подобрена статија
40.	Црногорија — област	Q12298947	нова статија
41.	Црква „Св. Јован Крстител“ - Љубанци — црква	Q87068880	нова статија
42.	Црква „Св. Никола“ - Љубанци (селска) — црква	Q20499184	нова статија
43.	Црква „Св. Богородица“ - Љубанци — црква	Q25552849	значително подобрена статија