Глуво

Од Википедија — слободната енциклопедија
Прејди на прегледникот Прејди на пребарувањето
Глуво
Глуво is located in Македонија
Глуво
Местоположба на Глуво во Македонија
Координати 42°5′9″N 21°23′53″E / 42.08583° СГШ; 21.39806° ИГД / 42.08583; 21.39806Координати: 42°5′9″N 21°23′53″E / 42.08583° СГШ; 21.39806° ИГД / 42.08583; 21.39806
Општина Coat of arms of Čučer Sandevo Municipality.svg Чучер-Сандево
Население 349 жит.
(поп. 2002)
Надм. вис. 442 м. м
Глуво на општинската карта
Глуво во Општина Чучер-Сандево.svg

Атарот на Глуво во рамките на општината
Геодетска карта на Глуво и Бразда.

Глуво — село во Општина Чучер-Сандево, во околината на градот Скопје.

Географиja и местоположба[уреди | уреди извор]

Селото се наоѓа на југозападните предели на Скопска Црна Гора.

Историja[уреди | уреди извор]

Во XIX век селото е дел од Скопската каза во Отоманската Империја.

Демографија[уреди | уреди извор]

Според статистиката на Васил К'нчов („Македониja, Етнографиja и статистика“) од 1900 година, во Глуво живееле 450 жители, сите Македонци.[1]

Според секретарот на бугарската егзархија Димитар Мишев, („La Macédoine et sa Population Chrétienne“) во 1905 година во Глуво имало 480 Македонци, од кои 256 патријаршисти и 224 егзархисти.[2]

Според последниот попис на населението на Македонија од 2002 година, селото има 349 жители. Следува табела на националната структура на населението:[3]

Националност Вкупно
Македонци 318
Албанци 0
Турци 0
Роми 0
Власи 0
Срби 31
Бошњаци 0
Други 0

На табелата е прикажан националниот состав на населението низ сите пописни години:[4]

Години Македонци Албанци Турци Роми Власи Срби Бошњаци Ост. Вкупно
1948 657
1953 628 3 34 ... 665
1961 559 ... ... 10 ... 1 570
1971 472 5 8 ... 38 ... 3 526
1981 431 7 29 ... 27 494
1991 342 28 ... 17 387
1994 304 18 ... 322
2002 318 31 349

Родови[уреди | уреди извор]

Родови во селото се:

  • Томашевци (22 к.) најстар селски род. Доселени се од соседното село Марушани кое сега не постои;
  • Павлевци (7 к.) доселени се од сега албанското село Паливоденица кај Качаник;
  • Живанчики (3 к.) доселени се од денес албанското село Сечишта исто така кај Качаник;
  • Кукуновци (6 к.) и Кошчицовци (3 к.) порано биле еден род. Доселени биле од некое село кај Качаник;
  • Русевци (7 к.) за нив се мисли дека се доселени од селото Булачани;
  • Јанкуловци (4 к.), Станиќевци (4 к.), Блажевци (1 к.), Пижевци (6 к.), Зелковци или Поповци (3 к.), Белковци (1 к.), Терзиовци (6 к.), Радовци (12 к.), Живковци (9 к.), Ушковци (1 к.), Рајчиќевци (10 к.), Кубурчевци (2 к.), Ѓурчиовци или Бундиќи (1 к.) и Веловци (1 к.) доселени се, но не знаат од каде. Првите три рода потекнуваат од ист предок.[5]

Археолошки локалитети[уреди | уреди извор]

  • Куќетининаселба од раниот среден век. Во 1976 година на околу 800 м северозападно од селото, на десната страна на рекичката Бањанска се регистрирани три големи јами во кои се најдени фрагменти од византиска глеѓосана керамика, насликана со спирални и флорални мотиви. Северно од јамите, на околу 200 м, има урнатини од повеќе станбени објекти.
  • Штитињеосамен наод од римското време. Во 1995 година во двор на куќа е најден фрагмент од надгробна плоча со латински натпис и фриз од букраниони и гирланди, употребен како стожер. Бил донесен во 1913 година од местото Штитиње. Денес фрагментот се наоѓа во Музејот на град Скопје.


Општествени институции[уреди | уреди извор]

Цркви

Иселеништво[уреди | уреди извор]

После Втората светска војна во Скопје се иселиле 40 семејства. Таму целосно се иселил родот Поповци, гранка од родот Кукуновци.

Има иселеници и во Волково, Ново Село, САД (2 семејства).

Во Булачани постои родот Живанци. Потекнуваат од истоимени роднини од некое село на Скопска Црна Гора, можно е да се од селото Глуво, гранка од родот Живанчики.[5]

Наводи[уреди | уреди извор]

  1. Кънчов, Васил. Македония. Етнография и статистика, София, 1900, стр. 206.
  2. Brancoff, D.M. La Macedoine et sa Population Chretienne, Paris, 1905, рp. 114-115.
  3. http://www.stat.gov.mk/publikacii/knigaX.pdf Попис во Македонија 2002. - Книга 10.
  4. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
  5. 5,0 5,1 Трифуноски, Јован (1971). Скопска Црна Гора. Скопје: Универзитет Кирил и Методиј. 
  6. Жителите на Глуво сами изградија величествен манастирски комплекс

Поврзано[уреди | уреди извор]

Надворешни врски[уреди | уреди извор]