Бразда

Од Википедија — слободната енциклопедија
Прејди на прегледникот Прејди на пребарувањето
Бразда
Бразда is located in Македонија
Бразда
Местоположба на Бразда во Македонија
Координати 42°4′50″N 21°23′54″E / 42.08056° СГШ; 21.39833° ИГД / 42.08056; 21.39833Координати: 42°4′50″N 21°23′54″E / 42.08056° СГШ; 21.39833° ИГД / 42.08056; 21.39833
Општина Coat of arms of Čučer Sandevo Municipality.svg Чучер-Сандево
Население 480 жит.
(поп. 2002)
Надм. вис. 442 м
Бразда на општинската карта
Бразда во Општина Чучер-Сандево.svg

Атарот на Бразда во рамките на општината
Геодетска карта на Глуво и Бразда.

Бразда — село во Општина Чучер-Сандево, во околината на градот Скопје. Спооред пописот од 2002 година, селото имало население од 480 жители.

Географиja и местоположба[уреди | уреди извор]

Селото Бразда се наоѓа на запад на крајот на подножјето од јужната страна на планината Скопска Црна Гора. Бразда е сместена на двете страни на реките Бањанска и Кучевачка река. Југоисточно се наоѓа ридот Градиште, а од запад Браждански рид.

Историja[уреди | уреди извор]

Црквата „Рождество на Пресвета Богородица“ во Бразда

Според податоците на бугарскиот етнограф Васил К'нчов, селото во 1900 година имало 376 жители христијани (Македонци).[1] Според Димитар Мишев, во 1905 година, во селото имало 464 жители христијани (Македонци).

Во НОБ од селото учествувале следните жители:

Филип Данчевски, Голуб Јовчевски, Трајко Поповски, Саво Данчевски, Александар Пејковски, Стојко Пејковски, Никче Данчевски, Лазе Јовчевски, Петар Данчевски, Блаже Пејковски, Петко Јовчевски, Панко Данчевски, Стоилко Коевски, Краљо Славковски, Велко Коевски, Неделко Пејковски, Анѓеле Симоновски, Живко Поповски, Киро Поповски, Љубомир Стевковски, Боривое Доклевски, Александра Доклевски, Ангелко Данчевски, Јован Пршевски, Стојко Славковски, Ѓорги Чивлачки, Никола Славковски и Атанас Поповски.[2]


Демографија[уреди | уреди извор]

Според последниот попис на населението на Македонија од 2002 година, селото има 480 жители. Следува табела на националната структура на населението[3]

Националност Вкупно
Македонци 470
Турци 0
Роми 0
Албанци 0
Власи 0
Срби 5
Бошњаци 0
Други 5

Родови[уреди | уреди извор]

Бразда е македонско село.

Според истражувањата од 1960тите родови во селото се:

  • Славковци (12 к.) и Пејковци (15 к.) доселени се од сега албанското село Никиштане, во родот Славковци се знае следната генеологија Богоја (жив на 60 год. во 1969 година) Бојко-Никола-Славко, кој се доселил во селото;
  • Пршовци (4 к.) доселени се од селото Паливоденица кај Качаник;
  • Јовчевци (6 к.), Живковци или Црсковци (7 к.), Бошковци (2 к.), Дапчевци (3 к.), Димовци (3 к.) и Јаневци (2 к.) доселени се од сега албанското село Блаце кај Качаник, во родот Живковци се знае следната генеологија Симон (жив на 70 год. во 1969 година) Велко-Стевко-Живко, основачот на родот кој се доселил;
  • Којиќеви (5 к.) доселени се од местото Барица кое лежело југозападно од Бразда;
  • Данчевци (12 к.) и Кираџовци (3 к.) Кираџовци се гранка од Данчевци, доселени се од местото Данчев Брест кое лежело јужно од селото;
  • Петковци (15 к.), Доклевци (3 к.) и Касовци (2 к.) доселени се однекаде.[4]

ни знаменитости ==

  • Градиште, утврдена населба од железното, раноантичкото, римското и доцноантичкото време.
  • Царевец е локалитет на кој се наоѓаат остатоци од градежен материјал, како и фрагменти од римската керамика.Истиот лежи на околу 3 км. западно од селото и од левата страна на реката Лепенец. Споменик со латински натпис бил подигнат во чест на Јупитер и на други божества.
  • Маркова Кула е локалитет кој претставува високо брдо во влезот на Качаничката клисура од левата страна на реката Лепенец и патот Качаник-Скопје, на околу 4 км. северно од селото. Брдото е стрмно од сите страни и на врвот има остатоци од јак бедем, што оградува простор од 100-120 м2. Овде се пронајдени керамика и монети кои потекнуваат од римската епоха.
  • Ѓорѓовац - локалитетот „водовод“, во близина на краварската фарма, до црквата Света Богородица, на околу 1 км. југозападно од селото се констатираат остатоци од стар водовод, користен во турско време. На повеќе места се среќаваат фрагменти од тубуси.
  • Бостаниште - во подножјето на предримското Градиште од западната страна се наоѓаат остатоци од градежен материјал-огромни камења, делкани блокови, украсени на челната страна со исчукување.
  • Кула - името го добила по тоа што на височината има остатоци од тврдина, стари ѕидови во должина до 1 км.Таму биле пронајдени стари пари од римско време ( по кажување на мештаните).
  • Видране (Св. Спас) - црква и некропола од среден век;[5]

Галерија - Градиште[уреди | уреди извор]

Личности[уреди | уреди извор]

Од Бразда потекнува младиот македонски фудбалер Горан Славковски. Од Бразда потекнува и Коце Трајановски, поранешен градоначалник на главниот град Скопје.

Иселеништво[уреди | уреди извор]

Од Бразда има постари и понови иселеници.

Во постаро време се иселиле. Пејковци или Црногорчеви и Браждани во селото Булачани. Пред крајот на турското владеење, неколку семејства се иселиле во Бугарија.

После Втората светска војна, околу 20 семејства се иселиле во Скопје. Родовите Челикови и Јовчеви целосно се иселиле во Скопје. Во Бразда биле доселени однекаде.[4]

Наводи[уреди | уреди извор]

  1. Кънчов, Васил. Македония. Етнография и статистика, София, 1900
  2. Стојановски, Бојко (1999). Скопско црногорие од Бразда до Брњарци. Скопје. 
  3. http://www.stat.gov.mk/publikacii/knigaX.pdf Попис во Македонија 2002. - Книга 10.
  4. 4,0 4,1 Трифуноски, Јован (1971). Скопска Црна Гора. Скопје: МАНУ. 
  5. Мештаните од с.Бразда откопале древна црква, за чие постоење знаеле предците!

Поврзано[уреди | уреди извор]

Надворешни врски[уреди | уреди извор]