А (кирилица)

Аа
Бројна вредност:	1
Кирилица
Словенски букви
Несловенски букви
Словенски букви; вон употреба
	Список на кирилични букви; Кирилични диграфи;
	п; р; у;

А или во мала форма а (стара кирилица: , глаголица: Ⰰⰰ) — првата буква во старата кирилицата и во скоро сите денешни кирилски азбуки. Формата на буквата потекнува од формата на грчката буква алфа. Во старословенскиот јазик оваа буква се нарекувала аз () и имала бројна вредност 1. Кирилската буква има иста вредност, име и значење со глаголската буква ⰰ. Буквата се користи во сите кирилски азбуки, како на пример во македонската азбука, руската азбука, српската азбука, украинската азбука, белоруската азбука и монголската азбука. Според МФА, буквата има фонетска вредност /a/, додека кај некои несловенски јазици кои користат кирилица, буквата има вредност /ɑ/ (отворена а) или /ə/ (темен глас). Низ вековите можела да се сретне во повеќе форми сè додека не го добила денешниот изглед кој е ист со латинската буква A.

Буквата А во македонскиот јазик

Буквата А е првата буква од македонската азбука. Самогласката а се пишува во оние зборови што во некои наши говори се изговараат со темна самогласка, о или у, на пример: маж, рака (не: мож, рока, муж, рука и сл.). Така, со а се изговараат и пишуваат и:

внатре, газер, гасеница, гнаса, гнасен, гради, гулаб, даб, длабок, длабочина, драг, желад, заб, забец и слично.

Покрај овие зборови, со букавата а се пишуваат и:

јагне, јаганца, јајце, јаловица, јаготка, јаре, јарем, јасен, пријател, појас, обичај, случај, кочан, началник, печали, чаша, кошара, грамада (не грмада), страна и слично.

Во нашите дијалекти различно се изговараат придавките со наставка - ар, па така имаме итар, итор или итер. Во литературниот јазик се употребува само формата - ар.^[1]

Кодна положба

Код на знакот	Големина	Децинала	Хексидецимала	Октална	Бинарна
Уникод	Голема	1040	0410	002020	0000010000010000
Уникод	Мала	1072	0430	002060	0000010000110000
ISO 8859-5	Голема	176	b0	260	0010110000
ISO 8859-5	Мала	208	d0	320	0011010000
KOI 8	Голема	225	e1	341	0011100001
KOI 8	Мала	193	c1	301	0011000001
Windows 1251	Голема	192	c0	300	0011000000
Windows 1251	Мала	224	e0	340	0011100000

Наводи

↑ Правопис на македонскиот јазик, Институт за македонски јазик „Крсте Мисирков“, трето издание на Просветно дело - Скопје, 1986, Редакциски одбор: Божо Видоевски, Тодор Димитровски, Кирил Конески, Крум Тошев, Рада Угринова-Скаловска

Поврзано

Македонска азбука
А	а	Б	б	В	в	Г	г	Д	д	Ѓ	ѓ	Е	е	Ж	ж	З	з	Ѕ	ѕ	И	и	Ј	ј	К	к	Л	л	Љ	љ
М	м	Н	н	Њ	њ	О	о	П	п	Р	р	С	с	Т	т	Ќ	ќ	У	у	Ф	ф	Х	х	Ц	ц	Ч	ч	Џ	џ
Ш	ш

[1] Правопис на македонскиот јазик, Институт за македонски јазик „Крсте Мисирков“, трето издание на Просветно дело - Скопје, 1986, Редакциски одбор: Божо Видоевски, Тодор Димитровски, Кирил Конески, Крум Тошев, Рада Угринова-Скаловска

[1]