Ж или во мала форма ж (стара кирилица: Жж, глаголица: Ⰶⰶ) — буква од кириличните азбуки, а осма по ред во македонската азбука. Фонетска вредност на буквата во словенските јазици е /ʒ/. Буквата се користи и кај несловенските јазици,каде има фонетска вредност /ʒ/, /ʐ/, или /dʒ/, во зависност од јазикот. Старото име на буквата е живете (живете) и немала бројчена вредност. Потеклото на буквата не е познато за сигурно, нема слична буква со неа во ниту една друга азбука освен во глаголицата.
