Во словенските јазици оваа буква немала никаква звучна вредност, туку се користела исклучиво како бројка за бројчената вредност 90, но за таа намена набргу била заменета со буквата Ч, која изгледала слично и дотогаш немала бројчена вредност. Изолирани примери за употреба на Ч како бројка наоѓаме во источни и јажни словенски текстови веќе од XI век, додека копа продолжила редовно да се употребува и во XIV век. Меѓутоа кај некои варијанти на западната кирилица, копа си ја задржала функцијата, а буквата Ч се користела за бројката 60, наместо Ѯ.
