Динара

Од Википедија — слободната енциклопедија
Прејди на: содржини, барај
Динара
Dinara
Zapadni steny pohori Dinara, vecer.jpg
Највисока точка
Надм. вис. 1.913 м [1]
Истакнатост 728 м
Заведена како државен првенец
Географија
Место Хрватска / БиХ
Матичен венец Динарски Планини

Динара (хрватски: Dinara) — планина на границата помеѓу Хрватска и Босна и Херцеговина, по која е наречен целиот венец Динарски Планини. Има два значајни врва: Троглав (1.913 м) и истиомениот врв Динара (1.831 м).[2] Второнаведениот врв е највисок во Хрватска и има облик на камена човечка глава. Топографската истакнатост му изнесува 728 м.[3]

Самото име „Динара“ е од келтско потекло. Има варовнички карстен состев како и целиот венец наречен по неа.

Големина[уреди | уреди извор]

Динара се протега од превојот Дерала (965 м) на северозапад до превојот Привија (1.230 м), кој се наоѓа 20 км на југоисток, кајшто почнува планината Камешница. Широка е до 10 км.

Клима[уреди | уреди извор]

Динара е оддалечена само неколку десетици километри од Јадранското Море, како дел од областа Загора во Далмација, но има многу постудена планинска клима, Со просечна температура од 2 до 4 °C на врвовите, ова е меѓу најстудените места во Хрватска.[4] Има високи просечни врнежи и 1.700-1.900 сончеви часови годишно.[5]

На самата планина нема трајни населби, само бачила на овчарите од блиската долина на реката Цетина.

Туризам[уреди | уреди извор]

За најпривлечен дел од планината се смета југозападниот масив, долг 6 км и висок до 1700 метри. Погледот на долините под планината е живописен, но нема значаен број на планинари. Исклучок е врвот Ошљак (1.706 м).

Фауна[уреди | уреди извор]

На Динара живее загрозениот ендемски подвид на глодардинарската високопланинска полјанка (Dolomys bogdanovi longipedis).

Поврзано[уреди | уреди извор]

Наводи[уреди | уреди извор]

  1. Највисок врв на планината е Троглав во Босна и Херцеговина, но не е највисок во земјата. Истоимениот врв Динара е највисокиот во Хрватска.
  2. Статистички годишник на Република Хрватска за 2013 г, стр. 42
  3. Динара — Peakbagger (англиски)
  4. Статистички годишник на Република Хрватска за 2013 г., стр. 36
  5. Статистички годишник на Република Хрватска за 2013 г., стр. 37

Надворешни врски[уреди | уреди извор]