Маглиќ

Од Википедија — слободната енциклопедија
Прејди на прегледникот Прејди на пребарувањето
Маглиќ
Maglic.jpg
Маглиќ со облаци
Највисока точка
Надм. вис.2.386 м
Географија
МестоБиХ / Црна Гора
Матичен венецДинарски Планини[1]
Геологија
Видкарстен варовник

Маглиќ (српски: Маглић) — динарска планина во Република Српска (БиХ), на границата со Црна Гора. Со надморска височина од 2.386 м претставува највисока планина во Босна и Херцеговина. Се протега во правец северозапад-југоисток. Се наоѓа во Националниот парк Сутјеска создаден во 1962 г. околу клисурата на реката Сутјеска и падините на Маглиќ.

Географија[уреди | уреди извор]

Планината се наоѓа 20 км од градот Фоча, кај границата со Црна Гора. Најблиско населено место е Мратиње.[2]Јужните и југозападните предели околу Маглиќ се висорамнински, направени од карстен варовник.[3]

Масивот на Маглиќ со состои од два врва: Велики Маглиќ (2.386 м) на босанска страна и Црногорски Маглиќ (2.388 м) на црногорската страна, кој е повисок за 2 м. Во црногорскиот дел е образувано Трновачкото Езеро кое важи за едно од најубавите во Црна Гора.[2] Езерото е ледничко потекло и лежи во амфитеатрално седло на надморска височина од 1.517 м, долго е 700 а широто 400 м и има синозелена боја.[2][4]

Планината е ограничена од реката Сутјеска на север и запад од планината Волујак на југозапад, реките Дрина и Пива на исток и долината Мратиска Увала на југ.[5][2]

Падините на Маглиќ имаат разновидна поривка, но особено богата е шумата Перуќица, која ужива посебен заштитен статус како најстарата прашума во Европа (и една од двете преостанати). Северозападните падини имаат густа зимзелена и букова шума до н.м. висина од 1.600 м, но во други правци падините се многу стрмни, карпести и голи. Висорамнинските делови над 1.600 м имаат пасишта.[6][7]

Врвот е пристапен преку патеки во националниот парк и обично се освојува за два дена. Високогорскиот пристап е само од јужната страна и се одликува со богата растителнсот од трева и борови. Од врвот на Маглиќ се гледаат планините Волујак, Биоќ, Трновачкото Езеро, Дурмитор (во Црна Гора) и други планини во БиХ на север и северозапад.[2]

Поврзано[уреди | уреди извор]

Наводи[уреди | уреди извор]

  1. Маглиќ на Peakbagger
  2. 2,0 2,1 2,2 2,3 2,4 "Maglić / Bioč / Volujak / Trnovački Durmitor / Vlasulja". summitpost.org. конс. 11 July 2011. 
  3. "Maglic". Encyclopædia Britannica. конс. 10 July 2011. 
  4. "Green Visions and Outdoor Adventure and Culture Guide 2008" (pdf). Sutjeska National Park Hike. Green Visions. конс. 11 July 2011. 
  5. "Maglić Mountain". mountainsmounts.com. конс. 10 July 2011. 
  6. "National Park Sutjeska". Highlander. конс. 7 July 2011. 
  7. "Sutjeska National Park". Visitsrajevo.ba. конс. 11 July 2011. 

Надворешни врски[уреди | уреди извор]