Хилдбургхаузен

Хилдбургхаузен Hildburghausen
Градското собрание на главниот плоштад Градското собрание на главниот плоштад
Хилдбургхаузен
Управа
Земја	Германија
Покраина	Тирингија
Округ	Хилдбургхаузен
Градски единици	10
Градоначалник	Тило Кумер (Левица)
Основни податоци
Површина	72,89 км2
Надм. височина	380 м
Население	11.689 (31 декември 2022)
- Густина	160 жит/км2
Други информации
Часовен појас	CET/CEST (UTC+1/+2)
Рег. табл.	HBN
Пошт. бр.	98641–98646
Повик. бр.	03685
Портал	www.hildburghausen.de
Местоположба на градот Хилдбургхаузен во рамките на округот Хилдбургхаузен
Карта
Координати	50°25′0″N 10°45′0″E

Хилдбургхаузен (германски: Hildburghausen) — град во средишна Германија, кој се наоѓа во јужниот дел на сојузната покраина Тирингија. Градот претставува административно седиште на округот истоимениот округ. Се наоѓа а реката Вера, 20 километри јужно од Зул и 25 километри северозападно од Кобург.

Хилдбургхаузен бил главен град на Саксо-Хилдбургхаузен до неговото распуштање во 1826 година, по што припаднал на Саксо-Мајнинген. Градот станал дел од новата покраина Тирингија во 1920 година.

Географија

Местоположба

Хилдбургхаузен се наоѓа во долина на реката Вера на надморска височина од 381 метар, помеѓу Тириншката Шума на север и Грабфелд на југ.

Градски единици

Самиот град Хилдбургхаузен се состои од Алтштат („Стар град“) и помалиот Нојштат („Нов град“), основан во 1710 година од страна на Хугенотите.

Покрај самиот град, во градското подрачје влегуваат и следниве единици:

• Биркенфелд
• Бирден
• Ебенхардс
• Герхартсгеројт
• Хезелрит
• Лајмрит
• Пферсдорф
• Валрабс
• Вајтерсрода

Соседни општини

Општини со кои се граничи градот се Ауенгрунд, Брин, градот Ремхилд, Клостер Фесра, Ројрит, градот Шлојзинген, Штрауфхајн и Фајлсдорф.

Историја

Населбата Хилтебургехузин (Hilteburgehusin) првпат била спомената во декрет од 1234 година, кога хенебершките грофови ја продале на принц-бискупите од Вирцбург. Повторно била купена во 1316 година, а градот добил градски права во 1324 година и истата година биле подигнати бедемите околу него. Во 1353 година, имотот на Хилдбургхаузен бил наследен од ветинскиот ландгроф Фридрих III, а по Лајпцишкиот договор од 1485 година станал дел од Ернестинските војводства.

Во 1528 година, граѓаните на Хилдбургхаузен станал протестантски. Градот потпаднал под новосоздаденото Војводство Саксо-Кобург во 1572 година и таму останал до исчезнувањето на линијата во 1638 година, кога преминал на Војводството Саксо-Алтенбург. Во 1680 година, станал резиденција на ернестинските војводи на Саксо-Хилдбургхаузен до неговото распуштање во 1826 година, откако преминал во Војводството Саксо-Мајнинген. Градот станал дел од новата држава Тирингија во 1920 година.

Политика

Градски совет

Советот на градот Хилдбургхаузен се состои од 24 избрани членови и градоначалник. На локалните избори на 26 мај 2019 година биле добиени следниве резултати:

Партија	Места
Левица	6 (±0)
AfD	5 (+5)
CDU	5 (−4)
Пожарна	4 (+1)
SPD	3 (+1)
BZH	1 (±0)
Слободни гласачи	0 (−3)

Збратимени градови

Хилдбургхаузен е збратимен со следниве градови:

• Вирзелен, Германија (од 1993 г.)
• Кишварда, Унгарија (од 2006 г.)

Дополнително, градот има договори за пријателство со чешкиот град Пелхримов и со германскиот град Швабах.

Галерија

• 
  Градскиот музеј
• 
  Градскиот театар
• 
  Градската црква

Надворешни врски

• Официјална страница (германски)