Уланци

Од Википедија — слободната енциклопедија
Прејди на прегледникот Прејди на пребарувањето
Уланци
Уланци is located in Македонија
Уланци
Местоположба на Уланци во Македонија
Координати 41°35′17″N 21°56′34″E / 41.58806° СГШ; 21.94278° ИГД / 41.58806; 21.94278Координати: 41°35′17″N 21°56′34″E / 41.58806° СГШ; 21.94278° ИГД / 41.58806; 21.94278
Регион Logo of Vardar Region.svg Вардарски
Општина Општина Градско
Население 80 жит.
(поп. 2002)
Шифра на КО 29078
Надм. вис. 120 м
Уланци на општинската карта
Уланци во Општина Градско.svg

Атарот на Уланци во рамките на општината
За кочанското село со сличен назив видете Уларци

Уланци — село во Општина Градско, во околината на градот Велес.

Географија и местоположба[уреди | уреди извор]

Селото се наоѓа веднаш на левиот брег на реката Вардар, спроти селото Градско во источниот дел на истоимената општина. Уланци е рамничарско село и лежи на надморска височина од 120 метри. Веднаш до селото, во Вардар се наоѓа островот Уланци, втор по големина речен остров во Македонија и трет воопшто во земјата, чија површина изнесува 5 хектари.[1]

Историја[уреди | уреди извор]

Уланци е стара населба. Бидејќи е во близина на античкиот град Стоби, за кој се претпоставува дека се протегал на двете страни на реката Вардар сè до утоката на Црна Река, на местото на селото имало населби уште во античко време. Денешното село Уланци најверојатно е настанато како чифлик во периодот на Отоманското владеење.

Стопанство[уреди | уреди извор]

Главна и доминантна стопанска гранка на населението е полјоделството. Најзастапено е одгледувањето на пиперките (зелените пиперки), доматите, кромидот, а застапена е и пченицата и одгледувањето на тутун и винова лоза. Во зимскиот период во околината на селото на зимување доаѓаат стада овци од Западна Македонија.

Демографија[уреди | уреди извор]

Според пописот од 2002 година, Уланци брои 80 жители. Од пописот од 1994 година, кога селото броело 84 жители, бележи благ пад на своето население за 4 жители (сите од ромска националност).

Националниот состав на населението на Уланци е следниов:

Родови[уреди | уреди извор]

Уларци е мнозински македонско село.

Според истражувањата од 1920-1924, родови во селото биле:

  • Староседелци: Грозановци (6 к.), Ицовци (4 к.), Ѓуровци (4 к.) и Миловци (2 к.)
  • Доселеници: Симиџијовци-Грци (1 к.) доселени се во почетокот на 19 век од селото Чебелево кај Јанина, Грција; Дорнајовци (1 к.), Пецовци (1 к.) и Рковци (1 к.) доселени се почетокот на 19 век од селото Ногаевци; Маслинковци (1 к.) доселени се во 1870 година од селото Ногаевци, а таму во 1850 година од селото Градско; Гошовци (1 к.) доселени се во 1880 година од тиквешкото село Бојанчиште, а таму се доселиле од селото Витолиште во Мариово почетокот на 19 век; Јефтовци (1 к.) доселени се во 1880 година од селото Горно Чичево; Ангелковци (3 к.) доселени се во 1885 година од тиквешкото село Манастирец; Николовци (1 к.) доселени се од селото Манастирец во 1886 година; Трипчевци (1 к.) доселени се од селото Ногаевци во 1890 година; Парапиновци (1 к.) доселени се во 1890 година од селото Бојанчиште, а таму кон крајот на 18 век од мариовското село Полчиште; Пецовци (1 к.) доселени се во 1904 година од тиквешкото село Конопиште; Петревци (1 к.) доселени се во 1910 година од тиквешкото село Џидимирци; Деловци (1 к.) доселени се во 1913 година од селото Џидимирци, а таму почетокот на 19 век од селото Бојанчиште; Каравиловци (1 к.) доселени се 1913 година од селото Џидимирци; Гичевци (1 к.) доселени се во 1915 година од селото Ногаевци; Павлевци (1 к.) доселени се 1916 година од селото Џидимирци.[2]

Општествени установи[уреди | уреди извор]

Самоуправа и политика[уреди | уреди извор]

Изборно место[уреди | уреди извор]

Во селото постои изборното место бр. 2220 според Државната изборна комисија, сместени во просториите на спомен куќа.[3]

На претседателските избори во 2019 година, на ова изборно место биле запишани вкупно 66 гласачи.[4]

Културни и природни знаменитости[уреди | уреди извор]

Археолошки наоѓалишта
  • Грамади — населба од римско време
  • Димов Гроб — некропола од железно време
  • Крст — црква и некропола од средниот век
  • Србиново — населба и некропола од доцноантичко време
  • Столот — населба од бронзено, железно и хеленистичко време
  • Страната — населба — викус од доцноантичко време
  • Топот — утврдена населба — опидум од римско време

Редовни настани[уреди | уреди извор]

Личности[уреди | уреди извор]

Култура и спорт[уреди | уреди извор]

Иселеништво[уреди | уреди извор]

Наводи[уреди | уреди извор]

  1. Милевски, Ивица (2013). „За островите во Република Македонија“ (PDF). Географски разгледи. 47.
  2. . Радовановиќ, Воислав. Тиквеш и Рајец. Отсутно или празно |title= (help)CS1-одржување: others (link)
  3. „Описи на ИМ“. Посетено на 3 ноември 2019.
  4. „Претседателски избори 2019“. Посетено на 3 ноември 2019.

Надворешни врски[уреди | уреди извор]