Брендон Мекналти

Од Википедија — слободната енциклопедија
Прејди на прегледникот Прејди на пребарувањето
Брендон Мекналти
Мекналти на Светското првенство 2017
Лични податоци
Цело имеБрендон Александер Мекналти
ПрекарБАМ, Мекнати
Роден2 април 1998 (1998-04-02) (21 г.)
Феникс, Аризона,  САД
Висина1,83 м
Маса68 кг
Податоци за клубот
Мом. клубРели Сајклинг
ДисциплинаДрумски велосипедизам
УлогаВозач
Вид на возачСпецијалист за хронометар
Аматерски клубови
2012
2013–2014
2015–2016
Флај Рејсинг
Лендис-Трек
ЛУКС Сајклинг Дивилопмент
Професионални клубови
2017– Рели Сајклинг
Последна промена
2 јули 2018

Брендон Мекналти (англиски: Brandon McNulty; р. 2 април 1998 во Феникс) — американски професионален друмски велосипедист, кој вози за професионалната континентална екипа Рели Сајклинг.[1]

На Светското јуниорско првенство 2016, Мекналти станал четврти Американец кој станал светски јуниорски првак по Тејлор Фини, Џеф Еваншајн и Грег Лемонд, освојувајќи го хронометарот за 35 секунди.[2]

Ран живот[уреди | уреди извор]

Мекналти пораснал во Феникс, Аризона и во слободно време возел планински велосипед со неговиот татко и неговите пријатели. Мекналти имал талент и ја освојувај скоро секоја трка во планински велосипедизам на која настапил додека возел во јуниорските категории 11-12. Мекналти постепено преминувал на друмски велосипедизам. По неколку победи на локални трки во Белгија во 2014 година, Мекналти привлекол внимание на Бо Никман, менаџер на ЛУКС Сајклинг. Никман, го видел талентот на Мекналти, по што го пратил кај тренерот Барни Кинг. 2015 била пробив за Мекналти, во која победил на етапната трка Долина на сонцето. Мекналти станал национален јуниорски хронометарски првак истата година и учествувал на светското првенство во Ричмонд.

Во 2016 година, Мекналти имал уште поголем успех, победувајќи на Тур де л’Абитиби и на Трофео Карслберг, како и повторно станал национален јуниорски хронометарски првак. Повторно настапил на светското првенство и станал четврти Американец кој станал светски јуниорски првак по Тејлор Фини, Џеф Еваншајн и Грег Лемонд, освојувајќи го хронометарот за 35 секунди.[3]

Професионална кариера[уреди | уреди извор]

Мекналти станал професионалец во 2017 година, но и покрај бројните понуди за екипи од Светската турнеја, се одлучил да вози за американската континентална екипа Рели Сајклинг.[4] Го освоил националното хронометарско првенство под 23 години и завршил втор на светското првенство таа година.

Во 2018 година, Мекналти продолжил да вози за Рели Сајклинг, која станал професионална континентална екипа истата година. Мекналти го имал својот прв настап на трка од Светската турнеја, на Трката околу Калифорнија, каде завршил четврти на шестата етапа (кралска етапа) и на крајот завршил седми, со три и пол минути зад победникот Еган Бернал.

Достигнувања[уреди | уреди извор]

2015
1. MaillotUSA.PNG Национално јуниорско хронометарско првенство
1. Jersey yellow.svg Краен пласман Мировна трка за јуниори
1. Етапа 2a (ITT)
2. Краен пласман Тур де л’Абитиби
1. Етапа 1
1. Етапа 3 (ITT)
3. Bronze medal blank.svg Светско јуниорско хронометарско првенство
4. Краен пласман Три дена Ван Аксел
1. Етапа 2 (ITT)
2016
1. Jersey rainbow chrono.svg Светско јуниорско хронометарско првенство
1. MaillotUSA.PNG Национално јуниорско хронометарско првенство
1. Jersey yellow.svg Краен пласман Тур де л’Абитиби
1. Етапа 3 (ITT)
1. Jersey yellow.svg Краен пласман Трофео Карслберг
1. Етапа 2b (ITT)
7. Краен пласман Тур ди По де Во
1. Етапа 2b (ITT)
2017
1. MaillotUSA.PNG Национално хронометарско првенство под 23 години
2. Silver medal blank.svg Светско хронометарско првенство под 23 години
3. Краен пласман Тур Алзас
1. Пролог (ТТТ)
2018
5. Краен пласман Волта Интернасионал Кова да Беира
7. Краен пласман Трка околу Калифорнија

Наводи[уреди | уреди извор]

  1. A mix of old and new for Rally Cycling in 2018“, „Cyclingnews.com“, Immediate Media Company, 18 декември 2017 (посет. 4 февруари 2018 г).
  2. World Championships: McNulty wins junior men time trial“, 12 октомври 2016 (посет. 23 октомври 2016 г).
  3. World Championships: McNulty wins junior men time trial“, 12 октомври 2016 (посет. 23 октомври 2016 г).
  4. Драјер, Фред (19 јуни 2017). „Why Brandon McNulty chose to race in the U.S., not Europe“. VeloNews.com. конс. 20 мај 2018. 

Надворешни врски[уреди | уреди извор]