Максимилијано Ричезе

Максимилијано Ричезе
	Ричезе на Трката околу Британија 2016
Лични податоци
Цело име	Ариел Максимилијано Ричезе
Роден	7 март 1983 (35 г.); Буенос Аирес, Аргентина
Висина	1,75 м
Маса	68 кг
Податоци за клубот
Мом. клуб	Квик-Степ Флорс
Дисциплина	Друмски велосипедизам
Улога	Возач
Вид на возач	Спринтер
Професионални клубови
2006–2009; 2011–2012; 2013–2015; 2016-	Керамика Панарија-Навигаре; Д’Анџело & Антеники-Нипо; Лампре-Мерида; Етикс-Квик Степ
Освоени медали
Натпреварувач за Аргентина
Панамерикански игри
	Последна промена; 20 јануари 2018

Ариел Максимилијано Ричезе (шпански: Ariel Maximiliano Richeze; р. 7 март 1983 во Буенос Аирес) — аргентински професионален друмски велосипедист, кој вози за UCI World Tour Квик-Степ Флорс.

Максимилијано го освоил сребрениот медал на Панамериканските игри 2015 во Торонто (екипна потера).

Содржина

1 Биографија
2 Допинг
3 Достигнувања
- 3.1 Распоред на резултатите на големите трки
4 Наводи
5 Надворешни врски

Биографија[уреди | уреди извор]

Во првата сезона како професионалец завршил втор на последната етапа на Џиро д’Италија 2006, само неколку центиметри зад Роберт Ферстер. Се смета за аргентински возач со најдобар резултат на некоја од трите големи трки, не сметајќи ги асимилираниот Лисје Пети Бретон кој возел за Франција, Хуан Антонио Флеча, роден во Аргентина, но возел за Шпанија и Алехандро Борахо, кој завршил како трет, исто така на Џиро.

На Џиро д’Италија 2007, Ричезе завршил трет на третата етапа и втор на етапите 18 и 21, сите освоени од Алесандро Петаки. Но, по дисквалификацијата на Петаки во мај 2008 година за допинг, Ричезе бил прогласен за победник на етапите 18 и 21 на Џиро.

Помеѓу неговите други достигнувања се првото место на првата етапа и други втори места на Тур де Лангкави 2006 и Трофео Арведи 2005. Исто така, во 2005 година го освоил Панамериканското друмско првенство под 23 години, а во 2003 година станал аргентински друмски првак под 23 години.

Во октомври 2015 година, по поминати 11 сезони со италијански екипи, белгиската екипа Етикс-Квик Степ објавила дека Ричезе ќе им се приклучи од 2016 година на двегодишен договор со улога за водечки помошник за Марсел Кител и Фернандо Гавирија.^[1] По четири години без победи, ја освоил четвртата етапа на Тур де Свис 2016, како и бодовниот пласман за новата екипа.

Допинг[уреди | уреди извор]

Пред почетокот на Џиро д’Италија 2008, Ричезе излегол позитивен на тестот за стероид станозолол, што предизвикало да биде исфрлен од трката. Иако бил прогласен за невин од Аргентинската велосипедска федерација, добил суспензија од две години од Арбитражниот суд за спорт.^[2]