Римска некропола (Јегуновце)

Римската некропола локално познат како Кај фабриката е археолошки локалитет т.е. некропола од римското време, која се наоѓа во дворот на Металуршкиот комбинат Југохром во Јегуновце, тетовско. Некрополата е случајно пронајдена во текот на градежните работи во 1956 година. Тука се откриени гробови со конструкции од камени плочи - тип циста. Во еден од нив е најдена плоча со грчки написи од седум реда и необична релјефна сцена. Имено, лево стои постар маж со куса туника, со крената десна рака, а со левата става жртва над ара. Десно стои дете свртено кон арата, а понатаму од него ,сосема десно се претставени маж и жена со превез на главата. Плочата се чува во Музејот на Македонија.

Поврзано

• Локалитет „Пештер“ (Јегуновце)
• Јегуновска тврдина