Тракошчанска тврдина

Од Википедија — слободната енциклопедија
Прејди на: содржини, барај
Тракошчанска тврдина
Trakošćan
Trakošćan 2007.JPG
Општи податоци
Град Хрватско Загорје
Земја Хрватска


Тракошчанската тврдина е дворец кој се наоѓа во Хрватско Загорје, во Хрватска. Замокот е државна сопственост на Република Хрватска, а со него управува музејската установа „Двор Тракошчан“.

Потекло на името[уреди | уреди извор]

Се смета дека името Тракошчан потекнува оттаму што замокот, којшто е изграден на врвот на еден карпест рид, оддалеку изгледал како змеј застанат на карпа. Оттука, името Тракошчан настанало со спојување на зборот „драко“ (којшто е изведен од германскиот збор „Drache“ што означуве змеј) со зборот „stayn“ што означува камен.[1]

Историја[уреди | уреди извор]

Дворецот бил изграден во 13 век, како мала тврдина во времето на Загорското кнежество, изградена поради контрола на границата и на важните патишта во околината. Подоцна, со изградбата на кулата, замокот прераснал во тврдина (Burg) наменета за одбрана од огнено оружје. Со текот на времето, неговото воено значење исчезнало, така што во 19 век тој бил претворен во резиденција во којашто живееле неговите сопственици.

Низ историјата, со него владееле феудалните династии Целски, Јан Витовец, Корвини. По распадот на кнежеството, со дворецот управувал Гулај, а од 1568 година династија Драшковиќ. Дворецот бил на неколку пати прошируван, но најголема промена доживеал во времето на семејството Драшковиќ, кога биле изградени кулите кои служеле за статиционирање на топовите. Во 18 век, кулите биле модернизирани, а објектот бил обиколен со ѕидини. Во времето на Јурај Драшковиќ дворецот бил уреден со паркова шума, со ретки дрвја на овие простори, како и со создавање на вештачко езеро. Оваа династија дворецот го поседувала до 1994 година, кога се иселиле во Австрија.[2]

Музејот Тракошчан[уреди | уреди извор]

Замокот е заштитено културно добро и претставува дел од поширока целина којашто, покрај него, е составена од придружните згради на дворецот, градини, парк-шума и езеро. Во дворецот се наоѓа музеј со богата збирка на уметнички слики, мебел и оружје, како и со клавир од првата половина на 19 век. Непосредната околина на замокот е обликувана како парк-шума, со градини кои се осмислени пред 150 години, а дворецот е опкружен со мало езеро.[3]

Официјално мрежно место[уреди | уреди извор]

Официјална интернет-страница на замокот

Наводи[уреди | уреди извор]

  1. Dvor Trakošćan, Trakošćan, Hrvatska, Kroatien, Croatia.
  2. Dvor Trakošćan, Trakošćan, Hrvatska, Kroatien, Croatia.
  3. Dvor Trakošćan, Trakošćan, Hrvatska, Kroatien, Croatia.