Среќа

Од Википедија — слободната енциклопедија
Прејди на прегледникот Прејди на пребарувањето

Среќата е чувство кое го поседува секој човек, но понекогаш поединецот не е свесен за среќата која ја има. Среќата може да биде различна. Се смета дека работите кои го прават човекот среќен се мали и безначајни, а работите кои го растажуваат се големи. Човекот е среќен кога нема грижи, кога е задоволен од својот живот, кога желбите му се остварени, но не е среќен ако неговите желби се остварени, а не се остварени желбите на некои луѓе (особено, на блиските).

Философија на среќата[уреди | уреди извор]

Според италијанскиот поет Џакомо Леопарди, најголемата можна среќа за човекот на овој свет е да живее спокојно поради својата состојба полна со смирена и сигурна надеж за некоја многу подобра иднина. Притоа, тој не треба да се вознемирува со желбата што побрзо да ја ужива замислената најубава иднина.[1]

Во својата книга „Богатството на царот Радован“, српскиот поет Јован Дучиќ ја вклучил и расправата со наслов „За среќата“. Во неа, тој вели дека сфаќањето на човекот за среќата е релативно, во зависност од возраста, културата или општествениот слој.[2]

Мерење на среќата[уреди | уреди извор]

Постојат бројни обиди за мерење на среќата и факторите од кои зависи таа. Според истражувањето на Школото „Вудро Вилсон“ (Woodrow Wilson School) во рамките на Универзитетот „Принстон“ (Princeton University), нивото на среќата зависи од заработувачката на луѓето, но среќата се зголемува само додека се достигне заработувачка од 75.000 долари, годишно. Потоа, независно од порастот на доходот, чувството на среќа стагнира. Понатаму, истражувањето покажало дека постојат два вида среќа: таа што се менува секојдневно, под влијание на стресот или емоциите поврзани со дневните случки, а втората е подлабоката форма насреќа, која се однесува на задоволството од одвивањето на животот, воопшто. Оттука, луѓето кои заработуваат повеќе од 75.000 долари годишно чувствуваат дека нивниот живот се подобрува, но тоа не им ја зголемува секојдневната среќа. Од друга страна, луѓето кои заработуваат помалку од 75.000 долари не се потажни, туку повеќе се изложени на непријатни ситуации во врска со решавањето на секојдневните проблеми.[3]

Среќата како тема во уметноста и во популарната култура[уреди | уреди извор]

Често, среќата се јавува како честа тема во уметноста и во популарната култура.

Среќата како тема во книжевноста[уреди | уреди извор]

Среќата како тема во музиката[уреди | уреди извор]

  • „Среќата е жежок пиштол“ (Happiness is a Warm Gun) - песна на англиската група „Битлси“ од 1968 година.[14]
  • „Среќен“ - песна на американскиот пејач Фарел Вилијамс.[15]
  • „Двојно среќен“ (Double Happy) - песна на новозеландската рок-група „Сплит енз“ (Split enz) од 1980 година.[16]
  • „Се надевам дека сега си среќна“ (I Hope You're Happy Now) - песна на англискиот рок-музичар група Елвис Костело од 1986 година.[17]
  • „Под маската на среќата“ (Under The Mask Of Happiness) - песна на американскиот рок-музичар Греам Паркер (Graham Parker) од 1988 година.[18]
  • „(Дали си) Среќен?“ ((Are You) Happy?) - песна на американската хард-кор група „Реган Јут“ (Reagan Youth).[19]

Среќата како тема во филмот[уреди | уреди извор]

Наводи[уреди | уреди извор]

  1. Đ. Leopardi, Pesme i proza. Beograd: Rad, 1964, стр. 113.
  2. Јован Дучић, Благо Цара Радована (друго издање). Београд: Laguna, 2018, стр. 30.
  3. Лидија Георгиева, „Иднината е споделба - нови модели за среќа на работното место“, Економија и бизнис, година 18, број 212, февруари 2016, стр. 28-31.
  4. Кавкаске бајке. Београд: Народња књига, 1963, стр. 122-127.
  5. Езоп, Басне (по Доситеју Обрадовићу). Београд: Просвета, 1963, стр. 32-33.
  6. Пакал Гилевски, „За поезијата на Пол Верлен“, во: Пол Верлен, Есенска песна. Скопје: Македонска книга, 1987.
  7. Николина Андова, Влезот е од другата страна, Темплум, Скопје, 2013.
  8. Ана Бунтеска, Стави лајк на сопствениот живот. Скопје: Матица Македонска, 2015, стр. 43-44.
  9. D. Maksimović, Pesme. Beograd: Rad, 1964, str. 28.
  10. Pjer Paolo Pazolini, Put i nebo. Beograd: Mali vrt, 2016, стр. 51.
  11. Драган Георгиевски, Метаморфузија, Темплум, Скопје, 2013.
  12. Нада Момировска, „Поговор“, во: Артур Милер, Сите мои синови. Скопје: Наша книга, 1983, стр. 85.
  13. Белешка за авторот, во: Рене Гијо, Бела грива. Скопје: Просветно дело, Редакција „Детска радост“, 2004, стр. 115.
  14. YouTube, The Beatles - Happiness Is a Warm Gun (Anthology 3 Disc 1) (пристапено на 24.6.2017)
  15. YouYube, Pharrell Williams - Happy (Official Music Video) (пристапено на 12.2.2017)
  16. YouTube, Split Enz-True Colours (Full Album) 1980 (пристапено на 6.6.2017)
  17. YouTube, Elvis Costello- Blood & Chocolate-I Hope Your Happy Now (пристапено на 10.12.2017)
  18. Graham Parker ‎– The Mona Lisa's Sister (пристапено на 16.12.2017)
  19. YouTube, reagan youth - (are you) happy? (пристапено на 5.2.2018)
  20. Кинотека на Македонија, „Програма ноември 2015“.