К2

Од Википедија — слободната енциклопедија
К2
K2 лете
Највисока точка
Надм. вис.8611 м 
2-ра
Истакнатост4017 м 22-ра
Географија
К2 на карта

Карта

Матичен венецКаракорум
Искачување
Прво освојување31 јули 1954
Италија Акиле Компањони
Италија Лино Лачедели
Најлесен патсрт Абруци

К2 — втора по висина планина на Земјата, сместена во масивот Каракорум од планинскиот венец Хималаи. На 8.611 метри, на планинарот му е достапна само една третина од кислородот што тој би го имал доколку се наоѓа на ниво на морето. К2 е пониска само од Монт Еверест. Пакистанците тврдат дека висината на планината е 8.884 метри.

Врвот К2 се наоѓа на границата помеѓу автономниот округ Ташкурган (кој е дел од Синѓанг, Кина), и северните територии на Пакистан. Овој регион е спорен, бидејќи и Индија исто така тврди дека тој е интегрален дел од индиската држава Џаму и Кашмир. Моментално К2 е под пакистанска управа.

Планината првпат била истражена од европски истражувачки тим во 1856 предводен од Хенри Хавершам Годвин-Остен. Томас Монтгомери бил член на тимот кој го нарекол врвот „К2“ заради тоа што бил вториот откриен врв на масивот Каракорум. Кинеските власти К2 официјално го нарекуваат Ќогир (кин. 乔戈里峰, Qiáogēlǐ Fēng); други називи се Монт Годвин-Остен, Ламба Пахар („Висока планина“ на урду), Дапсанг, Кечу и Чогори, што значи „Крал на планините“.

Искачувањето на К2 се смета за доста потешко од искачувањето на Монт Еверест. Во јуни 2000 само 189 лица се имаа искачено на К2, наспроти 1500 лица кои го имаа искачено Еверест на истиот датум. Дури 49 лица загинале на стрмнините на К2, од кои 13 само во 1986 година.

Македонски освојувачи[уреди | уреди извор]

Првиот Македонец кој се искачил на К2 е Здравко Дејановиќ, кој го освоил на 27 јули 2014 г. како дел од меѓународен состав.[2]

Наводи[уреди | уреди извор]

  1. Места во северен Пакистан - Google Земја
  2. www.explorersweb.com Архивирано на 2 август 2014 г.- портал со најнови вести од искачувањата на големите врвови низ светот