Исмаил Самани (врв)
| Врв Исмаил Самани | |
|---|---|
| Қуллаи Исмоили Сомонӣ | |
 Поглед на врвот Исмаил Самани | |
| Највисока точка | |
| Надм. вис. | 7495 м 50-ти |
| Истакнатост | 3402 м 54-ти |
| Заведена како | највисок во земјата, ултра |
| Друго име | Қуллаи Исмоили Сомонӣ |
| Географија | |
Врв Исмаил Самани на карта
| |
| Матичен венец | Памир |
| Искачување | |
| Прво освојување | 9 септември 1933 Евгениј Абалаков |
| Најлесен пат | искачување по карпи/снег/мраз |
Исмаил Самани (таџ. Қуллаи Исмоили Сомонӣ; рус. пик Исмаила Самани) е највисоката планина во Таџикистан и поранешниот Советски Сојуз. Наречена е по емирот Исмаил Самани (849-907), родоначалник на династијата Саманиди.
Кога во 1928 се утврдило дека во венецот Памир постои планина повисока од Лениновиот Врв, надлежните провизорно претпоставиле дека станува збор за Гармо. Со понатамошните експедиции на планините, во 1932 е востановено дека не станува збор за една иста планина, а во 1933 новиот врв во венецот Академија на Науките, бил наречен Сталинов Врв (пик Сталина), во чест на Јосиф Сталин. Во 1962, името е сменето во Врв на Комунизмот (таџ. Пики Коммунизм, рус. пик Коммунизма), а во 1998 е дадено сегашното име.
Планината прв ја искачил советскиот планинар Евгениј Абалаков, на 9 септември 1933 г.[1]
Поврзано
[уреди | уреди извор]Наводи
[уреди | уреди извор]- ↑ Голема советска енциклопедија, „Пик Коммунизма“
Надворешни врски
[уреди | уреди извор]- „Пик Коммунизма“. SummitPost.org. (англиски)
- „Пик Имени Исмаил Самани“ - Peakware (англиски)
|