Бањица

Бањица
Бањица Местоположба на Бањица во Македонија
Координати 41°41′59″N 21°39′58″E
Општина	Општина Центар Чашка
Население	55 жит. (поп. 2002)
Надм. вис.	899 м
Бањица на општинската карта Атарот на Бањица во рамките на општината
Бањица на Ризницата

Бањица е село во Општина Центар Чашка, во околината на градот Велес.

Демографија

Според пописот од 2002 година селото имало околу 55 жители, сите Македонци.

Родови

Бањица е македонско село, а имало и Албанци во селото.

Според истражувањата од 1966 година, родови во селото се:

Македонски

• Староседелци: Еленовци (4 к.), Врковци (4 к.), Басаровци (5 к.), Шојлевци (3 к.), Ицковци (3 к.), Миовци (2 к.), Гочевци (2 к.), Радини (2 к.), Џимударовци (2 к.), Пинговци (1 к.), Кашлаковци (2 к.), Дупишовци (4 к.) и Леовци (2 к.)
• Доселеници: Отиштани (2 к.) доселени се од селото Отиштино. Таму биле староседелци; Ацевци (4 к.), Маркови (3 к.), Делимаровци (3 к.) и Митушеви (2 к.) доселени се во периодот од 1926-1928 година од селото Дреново. Таму биле староседелци; Коцеви (4 к.), Американовци (2 к.) и Бистричани (3 к.) доселени се од селото Бистрица; Црешневци (3 к.) доселени се од селото Црешнево; Бузалковци (1 к.) доселени се од селото Бузалково; Белештевци (2 к.) доселени се од селото Белештевица.

Албански

• Доселеници: Амитовци (3 к.) и Зејнуловци (1 к.) првите се од Горно Јаболчиште, а вторите од Долно Јаболчиште. Подалечно потекло од Горна Река.

Културни и природни знаменитости

Бањичкото кале е наоѓалиште кое се наоѓа над с. Бањица, кај Велес, на околу 3 км западно од селото. Во варовничките плочи најдена е богата маринска фауна, претставена со школки, амонити и полжави. Профилот е карактеристичен за базалниот дел на горна креда и по богатството на фосилните асоцијации спаѓа во редот на најинтересните наоѓалишта.