10 август

10 август е 222-иот ден во годината според григоријанскиот календар (223-и во престапна година). Остануваат 143 денови до крајот на годината.

Полиптих 3, 1969 - темпера и злато на панел, слика на Димитар Кондовски

Настани:

1675	Поставен е камен-темелникот на Кралската опсерваторија во Гринич, денес местото кајшто минува нултиот меридијан.
1792	Француска револуција: Револуционерите во Париз навлегле во палатата Тилери (подоцна запалена и урната во текот на Париската комуна), со што ја окончале монархијата.
1913	Потпишан Букурешкиот мировен договор, со катастрофални последици по Македонија и македонскиот народ. По Втората балканска војна, која на 30 јуни 1913 ја почна Бугарија, со цел да приграби поголем дел од Македонија. Во оваа војна учествуваа Црна Гора и Грција од една страна и Бугарија од друга страна. Во војната се вклучија Романија и Турција. Со овој мир Македонија е поделена на три дела: на Бугарија, на Србија и на Грција. Поради провидноста на некои одредби на овој мир, Балканот стана подрачје за постојани недоразбирања меѓу балканските држави.
1969	Само еден ден по шесте брутални убиства, членовите на култот Чарлс Менсон напаѓаат уште еднаш: овој пат жртви се Лено и Роузмари Лебјанка.
1977	Во Њујорк уапсен е Дејвид Берковиц, попознат како Синот на Сем, сериски убиец кој досега има признаено дека извршил шест убиства.
2000	Според следачот на промената на светското население на www.ibiblio.org, светската популација ја достигнува бројката од 6 милијарди.
2005	Ли Сунг Сеп од Јужна Кореја умира поради преголем замор предизвикан од непрестано 49-часовно играње на World Of Warcraft и StarCraft.

Родени:

1865	Александар Петрович Глазунов, руски композитор, последен претставник на руската национална школа. Умре во Париз, на 21 март 1936 година.
1888	Кристофер, принц на Грција.
1902	Арне Тиселиус, шведски хемичар и Нобелов лауреат.
1937	Јован Павловски, македонски поет.
1939	Вера Сојчевска - Антиќ, македонски историчар.
1960	Антонио Бандерас, шпански актер.
1966	Хајрула Мисини, поранешен член на ОНА.
1967	Ридик Боу, американски боксер и поранешен неспорен светски шампион во тешка категорија.
1971	Рој Кин, поранешен ирски фудбалер и легенда на Манчестер Јунајтед, моментален менаџер на Сандерленд.

Починале:

1870	Жил Пјер Рамбир, француски ентомолог.
1896	Ото Лилинтал, германски пионер во областа на летањето, првиот човек кој летал со едрилица, поради што е познат како Кралот на едрилиците.
1903	Јордан Пиперката, македонски револуционер.
1912	Паул Валот, германски архитект.
1915	Хенри Мозли, англиски физичар.
1954	Роберт Годард, американски професор по физика.
1967	Димитар Кондовски, македонски академик.