26 август

26 август е 238-иот ден во годината според грегоријанскиот календар (239-и во престапна година). Остануваат 127 денови до крајот на годината.

Настани:

1071	Во битката кај Манцикерет помеѓу Византија и Селџучкиот султанат византиската војска доживеала срамен пораз, а царот Роман IV Диоген бил заробен.
1498	Микеланџело бил најмен да ја направи скулптурата „Пиета“. Ја завршил следната година, а денес е сместена во Базиликата Свети Петар во Ватикан.
1789	Во Версај, Уставното Собрание ја донесува Декларацијата за правата на човекот и граѓанинот.
1883	Ерупција на вулканот Кракатау во Пацификот. Како последица на ерупцијата и на создадениот цунами, загинале над 36.000 луѓе.
1922	Турската војска предводена од Мустафа Кемал Ататурк започнала офанзива против грчките сили кај Измир, која довела до целосна загуба на грчките територии во Мала Азија и иселување на околу 1 милион Грци од Турција.
1936	Постигната е спогодба за окончување на британската окупација на Египет, со исклучок на зоната на Суецкиот Канал.
1945	Во Битола бегалците од Егејска Македонија излегоа на протестен митинг со барање да престане теророт и прогонот на Македонците спроведуван од страна на грчките власти.
1972	Отворени се Дваесеттите олимписки игри во Минхен - Германија кои во историјата, останаа засенети поради нападот на припадниците на организацијата „Црн септември“ на олимпиското село и убиството на 11 израелски спортисти.
2005	Туркменистан ја напушта Заедницата на независни држави.

Родени:

1743	Антоан Лавоазје, француски научник.
1896	Ванчо Михајлов, раководител на ВМРО.
1898	Пеги Гугенхајм, американска колекционерка на уметнички дела и мецена.
1910	Мајка Тереза, католичка калуѓерка, добитничка на Нобелова награда за мир и свето лице во католичкиот свет.
1914	Фазил Хисни Дагларџа, турски поет.
1967	Александар Ѓорѓевиќ, југословенски кошаркар.
1992	Дејан Манасков, македонски ракометар.

Починале:

1850	Луј-Филип, француски крал.
1903	Александар Ростковски, руски дипломат.
1910	Вилијам Џејмс, американски психолог.
1944	Естреја Овадија - Мара, македонски народен херој.
1974	Чарлс Линберг, авијатичар кој прв со моторен авион го прелетал Атлантикот.