14 август

14 август е 226-иот ден во годината според грегоријанскиот календар (227-и во престапна година). Остануваат 139 денови до крајот на годината.

Настани:

1457	Гутенберговата печатница во Мајнц ја издава првата печатена книга во боја - „Мајнцишки псалтир“ (на сликата) отпечатена во црвена и црна боја.
1784	На островот Кодијак покрај Аљаска основана е првата руска колонија. Во 1867 година САД ја купуваат Аљаска од Царска Русија за 7,2 милиони долари.
1893	Франција воведува регистрација на моторните возила.
1941	Втора светска војна: Официјално е објавен текстот на Атлантската повелба потпишана од британскиот премиер Винстон Черчил и американскиот претседател Франклин Рузвелт .
1945	Јапонија ги прифаќа условите за предавање на сојузниците во Втората светска војна.
1947	Пакистан добива независност од британската Индиска империја под администрација на Велика Британија и се приклучува на Британскиот Комонвелт.
1949	Формиран е Македонскиот фудбалски сојуз.
2009	За 7 часа 42 минути и 32 секунди македонскиот пливачки маратонец Томи Стефановски го преплива каналот Ла Манш. По Нико Нестор во 1959 година и Атина Бојаџи во 1969 година, тој е третиот Македонец што го препливал каналот кој го дели Британскиот остров од останатиот дел од Европа.

Родени:

1714	Клод Вернер, француски сликар.
1740	Папа Пиј VII, римски папа.
1777	Ханс Кристијан Ерстед, дански физичар.
1867	Џон Голсворди, англиски писател и Нобелов лауреат, автор на познатата трилогија Сага за Форсајтови.
1868	Петар Поп Арсов, македонски револуционер, основоположник на Македонската револуционерна организација.
1876	Алекандар Обреновиќ, српски крал.
1912	Френк Опенхајмер, американски физичар.
1915	Видое Смилевски - Бато, македонски народен херој, истакнат револуционер и општествено-политички работник.
1919	Раде Јовчевски - Корчагин, македонски народен херој.
1945	Елена Кожухарова, македонски поет.
1983	Мила Кунис, американски филмска актерка.
1984	Џорџо Кјелини, италијански фудбалер .
1986	Робин Седерлинг, шведски тенисер.

Починале:

1464	Папа Пиј II, римски папа.
1484	Папа Сикст IV, римски папа.
1941	Пол Сабатје, француски хемичар и добитник на Нобелова награда.
1942	Алексеј Троицки, руски шаховски композитор.
1956	Бертолт Брехт, германски писател.
1958	Фредерик Жолио-Кири, француски физичар и Нобелов лауреат.
1977	Александар Лурија, руски невролог и психолог.
1988	Енцо Ферари, италијански конструктор на спортски автомобили.
2004	Чеслав Милош, полски писател и нобеловец.