Кишава

Од Википедија, слободната енциклопедија
Прејди на: содржини, барај
Кишава
Кишава се наоѓа во Македонија
Кишава
Кишава (Македонија)
Координати 40°52′59″ СГШ 21°19′00″ ИГД / 
Општина Општина Битола
Население 308 жит.
Надм. височина 881 м
Flag of Macedonia.svg Портал „Македонија“


Кишава е мало село во областа на село Бистрица, во Општина Битола. Тоа е лоцирано околу 20 km јужно од Битола, а е достапно само преку тесни планински патишта. Селото е населено само со етнички Албанци. Главното занимање на селаните е земјоделството и сточарството. Најпознат продукт на ова село е кишавскиот грав кој се смета за највкусен во цела Македонија[се бара извор].

Географиja и местоположба[уреди]

Кишава е мало село во областа на село Бистрица, во Општина Битола и е лоцирано околу 20 км јужно од Битола, на самиот јужен дел од Република Македонија, на само три километри од грчката граница. Кишава се наоѓа на југозападниот дел на Пелагонија, најголемата котлина во Македонија. Селото е сместено јужно од полето, на источните падини на планината Баба. Достапно е само преку тесни планински патишта. Надморската висина на селото е приближно 860 метри. Низ центарот на селото тече Кишавска река, која изобилува со вода во лето. Затоа на неа има и неколку воденици. Водата за пиење се добива од три чешми (Чешма Теѓас, Вилајетли и Елмази), од реката и бунарите (околу 12). Понатаму од селото избиваат следните послаби извори: Стани дичес, Гропе-буримит, Кладенец-маилит итн. Порано, на местото Стани дичес, на самата државна граница меѓу Македонија и Грција, постоеле влашки сточарски станови.

Имиња на потезите се: Врешта, Лесија, Варе, Пртеј, Селиште, Девија, Грерат, Гури-мад, Бачат, Мези-прејва, Аришта, Лови-балос, Кроја-ре, Стогу, Батаку, Шулаја, Плепи, Матан-љумит, Ливад-дези, Шипец, Гропе-корунит, Улабареве, Кремена, Шоши-мад, Гропе-мала, Корија, Аре-вртеј. Кишава е село од збиен тип. Составена е од седум маала: Џамис, Баракалар, Грабовска, Меркан, Вилајетли, Љума и Чешма. Во 1953. селото имаше вкупно 117 куќи.

Историja[уреди]

Првиот пишан податок за Кишава датира од периодот меѓу 16. до 18. век. Тогаш во селото живееше македонско население. Христијаните Петко и Дојчин по име наводно потекнувале од Кишава. Нешто покасно, во 1804 година, се споменуваат луѓе "соколари" во ова село.

И во околината на другите села, Граешница, Драгош се зборува дека во Кишава живеело христијанско македонско население. Тие постари жители покасно се иселиле. На нивното селиште останала само црквата. Свештеникот по име Димитри од селото Опсирин кај Лерин, говореше дека неговите предци водат потекло од Кишава. На почетокот на 19 век, почнале да се доселуваат и Албанци муслимани. Тие селото го нарекле по старата црква Кишава (на албански јазик киша - значи црква).

Во 19 век, Кишава е село во Битолската каза на Османската империја. Според статистиката на Васил Канчов („Македонија. Етнографија и статистика“), од 1900 година, Кишава имало околу 700 жители, сите Арнаути муслимани.

Сега, Кишава е албанско село. Албанците доаѓале од јужна Албанија и затоа кажувале дека биле Тоски. Албанците во Кишава се разликуваат по говорот и другите особини од нивните сонародници во соседното Острец. Причината за тоа е што Албанците во Острец и Злокуќани се по потекло од северна Албанија (од групата Геги). Истотака, Албанците во Кишава етнолошки се поблиски со Албанците во Нижополе. Црквата на Македонците во Кишава, се наоѓала во денешната Вилает маала, десно од реката во дворот на Маличи Ракипов. Подоцна тоа било текија на Садик-баба. Во текијата на Садик-баба се наоѓал еден гроб и икона од Света Богородица. Во Кишава постои и џамија, изградена во 19 век. Пониско во селото се муслиманските гробишта.

Албанците од Кишава во времето на Турците, имаа пространи пасишта на Пелистер. Тогаш тие беа добри сточари: имаа многу кози. Некои мештани од ова село, поседуваа ниви и во Битолското поле. Некои основале чифлици во соседните села како Граешница, Жабени итн.

Економија[уреди]

Демографија[уреди]

Број на домаќинствата во Кишава:

  • 1921: 148
  • 1948: 122
  • 1961: 107
  • 1971: 102

Според пописот од 2002. селото имало 308 жители од кои 307 етнички Албанци и еден Македонец.

Општествени институции[уреди]

Администрација и политика[уреди]

Културни и природни знаменитости[уреди]

Главното занимање на селаните се земјоделството и сточарството. Најпознат производ на ова село е кишавскиот грав кој се смета за највкусен во цела Македонија.

Редовни настани[уреди]

Личности[уреди]

Култура и спорт[уреди]

Иселеништво[уреди]

Селото има значителна дијаспора во Австралија, во гратчето Данденонг.

Надворешни врски[уреди]