Белизе

Белизе
Белизе
	Гесло: Sub Umbra Floreo (Латински); "Под сенката јас цветам"
	Химна: "Land of the Free"; Кралска химна: "God Save the Queen"
Главен град	Белмопан; 17°15′ СГШ 88°46′ ЗГД /
Најголем град	Белизе
Службен јазик	англиски
Признаени регионални јазици	Креолски (лингва франка), шпански
Народности	местиси, белизиски креолци, шпанци, маи, гаринагу, меноните, либанци, кинези, бајменци, британци, сиријци, американци
Демоним	белизици
Уредување	Парламентарна демократија и Уставна монархија
Независност	од САД
Површина
Население
БДП (ПКМ)	проценка за 2007
БДП (номинален)	проценка за 2007
ИЧР (2007)	▲0,777 (среден) (80-ta)
Валута	Белизиски долар (BZD)
Часовен појас	централно време (UTC-6)
Се вози на	right
НИД	.bz
Повик. бр.	501
1.	Ранговите се правени врз база на податоци од 2007.

Белизе (англиски: Belize), или многу ретко Белисе^[2] , е независна уставна монархија во Средна Америка, која се наоѓа на копнениот дел од овој континент. На север Белизе граничи со Мексико, на југ и запад со Гватемала, а на исток излегува на Карипското Море. Вкупната површина на државата изнесува 22.960 километри квадратни и има население од 333.220 жители, според проценките за 2010 година^[3]. Иако шпанскиот и белискиот креолски јазик се зборуваат во државата, сепак англискиот е единствениот официјален јазик во Белизе, што ја прави единствена држава во копнена Средна Америка каде англискиот е официјален јазик. Должината на територијата на Белизе изнесува 290 километри, додека ширината изнесува 110 километри. Главен град на Белизе е Белмопан.

Белизе е држава со најмала густина на население во Средна Америка.^[4] Прирастот на населението на Белизе е 2.21% според проценките за 2008^[5] и истиот е најголем во регионот и Западната Хемисфера. Белизе има значајна улога во Мезоамериканскиот биолошки коридор, бидејќи земјата има богат копнен и воден животински и растителен свет.^[6]

Белизе е културолошки уникатна земја во Средна Америка бидејќи таа е единствената нација со британско културно наследство. Поради историски и општествени причини, Белизе споделува големи сличности, како со средноамериканските копнени, така и со средноамериканските островски нации. Во тој сегмент, Белизе се смета за држава со силни врски и со карипските нации и со латиноамериканските држави. Државата е член на Карипската Заедница и Средноамериканскиот Интеграциски Систем.

Етимологија [уреди]

Потеклото на името „Белизе“ не е познато, но според една теорија, името потекнува од мајанскиот збор belix што значи „матна вода“ и истото се однесува за реката Белизе. Според друга теорија, името потекнува од шпанскиот изговор за презимето на шкотскиот пират Питер Валес, кои пак Шпанците го користеле за означување на една населба покрај реката Белизе, но и за самата река.^[7] Според трета теорија, името можеби е донесено од Африканците кои имигрирале во државата од Кралството Конго. Се претпоставува Африканците го донеле името со нив, бидејќи денес во Ангола сè уште постои тоа име.