Споменик на Револуцијата (Струмица)

Од Википедија — слободната енциклопедија
Прејди на прегледникот Прејди на пребарувањето
Споменик на Револуцијата
Monument of revolution - Strumica (1).jpg
Споменикот на Револуцијата во Градскиот Парк во Струмица
Грешка во Lua во Модул:Location_map, ред 419: No value was provided for longitude
Општи податоци
ГрадСтрумица
ЗемјаРепублика Македонија
Координати41°26′31.8″N 22°38′18.3″E / 41.442167° СГШ; 22.638417° ИГД / 41.442167; 22.638417
Завршена1963
СопственикОпштина Струмица
Проектирање и изградба
АрхитектИлија Аџиевски

Споменик на Револуцијата — меморијален споменик кој се наоѓа на влезот од Градскиот парк во Струмица и е посветен на паднатите борци во НОВ во Струмица.

Споменикот е дело е на академскиот ликовен уметник Илија Аџиевски[1].Споменикот се состои од два елементи: од вертикално поставен мермерен столб, на кој е изведена релефна композиција од машка, женска и детска фигура - претстава на учесници во НОВ. Вториот дел се состои од две човечки фигури, изработени од алуминиум. Двата елементи лежат врз правоаголна мермерна платформа, во дијагонална поставеност еден спрема друг врз рамна површина. И двете фигури се во згрчена положба што претставува борци по стрелањето како паѓаат, но постојат и толкувања дека тоа е стриповско претставување во две слики на еден борец во пад.Решението на споменикот е спроведено во две концепциски спротиставени пластични обработки. Тоа се гледа во користениот материјал, во стилско-ликовната оформеност на секој од деловите.

Врз вертикалниот столб од бел мермер е врежана композиција составена од три поставена една над друга поставени претстави: машка, детска и женска, веројатно да се сугерира широчината на народното учество во борбата. Релјефите се решени преку плиток цртеж, со згорнична, крајно шематска и декоративно стилизирана обработка. Ритамот е искршен, спроведен со остроагли и сечени линии. Вториот дел се состои од две човечки фигури што би требало да ја симболизираат смртта за татковината, а се изработени од алуминиум. Едната оф фигурите е во свисната положба а другата е предадена во изнасилена, патетична, неубедлибо деформирана става на „прекршено“ тело.

Наводи[уреди | уреди извор]