Споменик на Бегалците (Струмица)

Споменик на бегалците
Општи податоци
Место	Општина Струмица
Град	Струмица
Земја	Македонија
Координати	41°26′00″N 22°38′37.6″E
Сопственик	Општина Струмица

Споменикот на Бегалците — споменик кој се наоѓа во Струмица, Македонија. Автор на споменикот е вајарката Наташа Божарова – Пијанманова која победила на конкурсот што го распишал Одборот за подигање споменици на Советот на Општина Струмица.

Спомен-обележјето, на кое на карпеста подлога е прикажана мајка-бегалка која заштитнички го прегрнува своето дете, претставува симбол на апокалиптичните судбини и страдања на Македонците од Егејска Македонија, за време на бегалските погрони по Втората балканска, двете светски и граѓанската војна во Грција во првата половина од минатиот век.

Споменикот е поставен во Спомен-паркот посветен на бегалците и децата на бегалците, а за неговата изработка се потрошени околу 500.000 денари од општинскиот буџет. На споменикот е поставена плоча на која пишува „Незаборавот ги чува корените“.